DET:DEC 20:
శివకార్తికేయన్ కోర్టుకు వెళ్లడానికి కారణం:
తమిళ స్టార్ హీరో శివకార్తికేయన్ ప్రముఖ నిర్మాణ సంస్థ స్టూడియో గ్రీన్ అధినేత కె.ఇ.జ్ఞానవేల్ రాజాపై మద్రాస్ హైకోర్టులో పిటిషన్ దాఖలు చేశారు.2019లో వీరిద్దరి కాంబినేషన్‌లో వచ్చిన మిస్టర్ లోకల్ సినిమాకు సంబంధించి తనకు రావలసిన పూర్తి రెమ్యూనరేషన్ ఇంకా అందలేదని ఆయన కోర్టును ఆశ్రయించారు.
పారితోషికం ఒప్పందం మరియు బకాయిలు:
శివకార్తికేయన్ తన పిటిషన్‌లో పేర్కొన్న వివరాల ప్రకారం ఈ సినిమా కోసం తనకు రూ.15 కోట్లు పారితోషికంగా ఇచ్చేలా ఒప్పందం జరిగింది.అయితే ఇప్పటివరకు కేవలం రూ.11 కోట్లు మాత్రమే చెల్లించారని మిగిలిన రూ.4 కోట్లు ఇంకా బకాయి ఉన్నట్లు ఆయన తెలిపారు.సినిమా విడుదలై ఇన్ని ఏళ్లవుతున్నా పలుమార్లు కోరినప్పటికీ నిర్మాత నుండి సరైన స్పందన రాకపోవడంతో ఆయన చట్టపరమైన చర్యలకు దిగారు.
ఆదాయపు పన్ను మరియు టీడీఎస్ సమస్య:
కేవలం పారితోషికం మాత్రమే కాకుండా ఆదాయపు పన్నుకు సంబంధించిన అంశం కూడా ఈ వివాదంలో కీలకంగా మారింది. నిర్మాత జ్ఞానవేల్ రాజా తాను చెల్లించిన పారితోషికంపై టీడీఎస్ మొత్తాన్ని ఆదాయపు పన్ను శాఖకు జమ చేయలేదని శివకార్తికేయన్ ఆరోపించారు.దీనివల్ల శివకార్తికేయన్ వ్యక్తిగత బ్యాంక్ ఖాతా నుండి ఐటీ శాఖ భారీ మొత్తాన్ని మినహాయించుకుందని దీనికి నిర్మాత నిర్లక్ష్యమే కారణమని ఆయన పేర్కొన్నారు.
కోర్టును కోరిన మధ్యంతర ఆదేశాలు:
తనకు రావలసిన బకాయిలు చెల్లించే వరకు నిర్మాత జ్ఞానవేల్ రాజా నిర్మిస్తున్న ఇతర సినిమాలపై స్టే విధించాలని శివకార్తికేయన్ కోర్టును కోరారు.ముఖ్యంగా రెబల్,చియాన్ 61,పాతు తాలా వంటి ప్రాజెక్టులలో పెట్టుబడులు పెట్టకుండా వాటి థియేట్రికల్ లేదా ఓటీటీ హక్కులను ఇతరులకు బదిలీ చేయకుండా నిరోధించాలని ఆయన విన్నవించారు.
నిర్మాత జ్ఞానవేల్ రాజా స్పందన:
శివకార్తికేయన్ ఆరోపణలపై నిర్మాత జ్ఞానవేల్ రాజా స్పందిస్తూ శివకార్తికేయన్ వాస్తవాలను దాచిపెట్టి కోర్టును తప్పుదోవ పట్టిస్తున్నారని ఎదురుదాడి చేశారు.మిస్టర్ లోకల్ సినిమా వల్ల తనకు భారీగా నష్టాలు వచ్చాయని ఈ విషయంలో హీరో కారణంగానే తాను ఇబ్బందులు ఎదుర్కొన్నానని ఆయన పేర్కొన్నారు.ఈ కేసు ప్రస్తుతం కోర్టు విచారణలో ఉంది.