DNews: Mar 14: బంగ్లాదేశ్ – పాకిస్తాన్ రెండో వన్డేలో పాకిస్తాన్ సీనియర్ బ్యాట్స్మన్ సల్మాన్ ఆఘా రనౌట్ వివాదాస్పదంగా మారింది. ఈ ఘటనపై క్రికెట్ ప్రపంచంలో విభిన్న అభిప్రాయాలు వ్యక్తమవుతున్నాయి. కొందరు బంగ్లాదేశ్ ఆటగాళ్ల చర్యను విమర్శిస్తుంటే, మరికొందరు వారిని సమర్థిస్తున్నారు. మ్యాచ్ అనంతరం సల్మాన్ ఆఘా స్పందిస్తూ – “నియమాల ప్రకారం ఇది అవుట్నే. నాకు అభ్యంతరం లేదు. కానీ నేను ఆ పరిస్థితిలో ఎప్పుడూ అలా చేయను. క్రీడాస్ఫూర్తి ప్రకారం ఆడతాను. గతంలో కూడా మేము అలాంటి పని చేయలేదు, భవిష్యత్తులో కూడా చేయము. నిజానికి బంతి నా ప్యాడ్, బ్యాట్ను తాకింది. అందుకే బౌలర్కి బంతిని ఇవ్వాలని అనుకున్నాను. రన్ తీసే ఉద్దేశ్యం లేదు. కానీ మిరాజ్ నన్ను రనౌట్ చేశాడు” అని అన్నారు.
ఇక బంగ్లాదేశ్ వికెట్కీపర్ లిటన్ దాస్ – “ఇది చారిటీ మ్యాచ్ కాదు. ఇది అంతర్జాతీయ మ్యాచ్. నియమాల ప్రకారం సల్మాన్ అవుట్. ప్రతి ఒక్కరికీ తమ అభిప్రాయం ఉంటుంది. కానీ మేము ఆటగాళ్లుగా ఇది అవుట్నే అనుకున్నాం” అని వ్యాఖ్యానించాడు.
కామెంటరీలో రమీజ్ రాజా – “నియమాల ప్రకారం ఇది రనౌట్. కానీ క్రీడాస్ఫూర్తికి విరుద్ధం. బ్యాట్స్మన్ బౌలర్కి బంతిని ఇవ్వాలని మాత్రమే అనుకున్నాడు. అతను రనౌట్ అవుతానని ఊహించలేదు” అని అన్నారు.
మాజీ భారత క్రికెటర్ మహ్మద్ కైఫ్ – “అలా వికెట్ తీసుకోవడం సరైనది కాదు. కెప్టెన్గా ఇలా చేయడం మంచిది కాదు. యువ క్రికెటర్లు అలాంటి పని చేయకూడదు. ఇది న్యాయం కాదు” అని సోషల్ మీడియాలో పేర్కొన్నారు.
ఈ ఘటనతో క్రికెట్లో ‘నియమాలు’ వర్సెస్ ‘క్రీడాస్ఫూర్తి’ అనే చర్చ మళ్లీ మొదలైంది. కొందరు బంగ్లాదేశ్ ఆటగాళ్లను సమర్థిస్తుంటే, మరికొందరు క్రీడాస్ఫూర్తి కోణంలో విమర్శిస్తున్నారు.