DNews: Feb 21: సికింద్రాబాద్ రైల్వే స్టేషన్లో శనివారం ఒక విషాదకర సంఘటన చోటుచేసుకుంది. ఒంగోలు వెళ్లేందుకు సిమ్హపురి ఎక్స్ప్రెస్లో ఎక్కాల్సిన నాగరాజు అనే వ్యక్తి తొందరలో మరో రైలు ఎక్కేందుకు ప్రయత్నించాడు. రైలు కదులుతున్న సమయంలో అతని కాలు జారి, ప్లాట్ఫాం మరియు రైలు మధ్యలో పడిపోవడంతో తీవ్ర గాయాలపాలై అక్కడికక్కడే మరణించాడు. ఈ ఘటనతో ప్రయాణికులు భయాందోళనకు గురయ్యారు. సమాచారం అందుకున్న వెంటనే రైల్వే పోలీసులు సంఘటనా స్థలానికి చేరుకుని పరిశీలించారు. కేసు నమోదు చేసి దర్యాప్తు ప్రారంభించారు.
ఈ ప్రమాదం మరోసారి ప్రయాణికులకు అప్రమత్తత అవసరమని గుర్తు చేసింది. రైలు కదులుతున్నప్పుడు ఎక్కేందుకు ప్రయత్నించకూడదని పోలీసులు హెచ్చరిస్తున్నారు. అలాంటి నిర్లక్ష్య చర్యలు ప్రాణాంతకమవుతాయని వారు స్పష్టం చేశారు. ప్రయాణికులు జాగ్రత్తగా ఉండాలని సూచించారు. నాగరాజు మరణంతో స్థానికులు తీవ్ర విషాదంలో మునిగిపోయారు.