DET:OCT 13:
ఆనంద్ దేవరకొండ ‘తక్షకుడు’.. నేరుగా ఓటీటీలోకి!
యువ హీరో ఆనంద్ దేవరకొండ తన తదుపరి చిత్రం ‘తక్షకుడు’తో ప్రేక్షకులను థ్రిల్ చేయడానికి సిద్ధమవుతున్నాడు. ఈ సినిమా నేరుగా ఓటీటీ ప్లాట్ఫామ్లో విడుదల కానుంది. థియేటర్లలో కాకుండా ఓటీటీ ద్వారా ఈ సినిమాను ప్రేక్షకుల ముందుకు తీసుకురావాలని నిర్మాతలు నిర్ణయించారు. ‘మిడిల్ క్లాస్ మెలోడీస్’ లాంటి విజయవంతమైన సినిమా తర్వాత ఆనంద్ దేవరకొండ, దర్శకుడు వినోద్ అనంతోజు కాంబినేషన్లో వస్తున్న రెండో సినిమా ఇది కావడం విశేషం.
స్ట్రీమింగ్ ఎక్కడంటే..
‘తక్షకుడు’ సినిమాను ప్రముఖ ఓటీటీ ప్లాట్ఫామ్ అయిన నెట్ఫ్లిక్స్ ద్వారా విడుదల చేయనున్నారు. ఈ విషయాన్ని నిర్మాణ సంస్థ అధికారికంగా ప్రకటించింది. నెట్ఫ్లిక్స్లో విడుదల కాబోయే తెలుగు ఒరిజినల్ కంటెంట్లో ఇది ఒకటి. విడుదల తేదీని మాత్రం ఇంకా ప్రకటించలేదు. త్వరలోనే స్ట్రీమింగ్ తేదీకి సంబంధించిన పూర్తి వివరాలు వెల్లడయ్యే అవకాశం ఉంది.
అత్యాశతో ప్రారంభమై ప్రతీకారం వస్తుంది:
తక్షకుడు సినిమా ఫస్ట్ లుక్ పోస్టర్ను విడుదల చేయడంతో పాటు, “వేటగాడి చరిత్రలో జింక పిల్లలే నేరస్థులు” అనే ఆసక్తికరమైన క్యాప్షన్ను ఇచ్చారు. “ఇది అత్యాశతో మొదలైన ప్రతీకార కథ” అని కూడా మేకర్స్ తెలిపారు. పోస్టర్లో ఆనంద్ దేవరకొండ చేతిలో గన్తో మాస్ లుక్లో కనిపించగా, బ్యాక్డ్రాప్లో ఒక గ్రామం తగలబడినట్లుగా ఉంది. ఇది ఒక గ్రామీణ నేపథ్యం కలిగిన యాక్షన్ డ్రామాగా ఉండబోతుందని తెలుస్తోంది.
తారాగణం, నిర్మాణ సంస్థలు:
ఈ థ్రిల్లర్ మూవీలో ‘లాపతా లేడీస్’ ఫేమ్ నితాన్షీ గోయల్ హీరోయిన్గా నటించింది. ఈ సినిమాతో ఆమె టాలీవుడ్కు పరిచయమవుతోంది. ఈ చిత్రాన్ని ప్రముఖ నిర్మాణ సంస్థలు అయిన సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. మిడిల్ క్లాస్ మెలోడీస్ లాంటి ఫీల్ గుడ్ మూవీ తర్వాత ఆనంద్, వినోద్ కాంబోలో వస్తున్న ఈ యాక్షన్ డ్రామాపై ప్రేక్షకుల్లో మంచి ఆసక్తి నెలకొంది.