DET:OCT 12:
నకిలీ AI చిత్రాలపై నటి ప్రియాంక మోహన్ ఆవేదన:
పవర్ స్టార్ పవన్ కళ్యాణ్ సరసన ఇటీవల ‘OG’చిత్రంలో నటించిన నటి ప్రియాంక మోహన్ ప్రస్తుతం ఒక ముఖ్యమైన విషయంపై స్పందించారు. తన నకిలీ AI చిత్రాలు సోషల్ మీడియాలో విపరీతంగా సర్క్యులేట్ అవుతున్నాయని, వీటిని సృష్టించడం, షేర్ చేయడం ఆపాలని ఆమె అభిమానులను కోరారు. ఈ విషయంలో ఆమె బహిరంగంగానే తన ఆవేదనను తెలియజేశారు.కిలీ AI చిత్రాలపై నటి ప్రియాంక మోహన్ ఆవేదన
సోషల్ మీడియా వేదికగా విజ్ఞప్తి:
ఈ నకిలీ చిత్రాల వ్యాప్తి గురించి నటి ప్రియాంక మోహన్ తన అధికారిక సోషల్ మీడియా ఖాతా ఎక్స్ – గతంలో ట్విట్టర్ ద్వారా తెలియజేశారు. “నన్ను తప్పుగా చిత్రీకరిస్తూ AI సృష్టించిన కొన్ని చిత్రాలు సర్క్యులేట్ అవుతున్నాయి. దయచేసి ఈ నకిలీ విజువల్స్ ను షేర్ చేయడం లేదా ప్రచారం చేయడం ఆపండి” అని ఆమె స్పష్టంగా కోరారు.
AI వినియోగంపై ప్రియాంక సందేశం :
సాంకేతిక పరిజ్ఞానాన్ని ఎలా ఉపయోగించాలనే దాని గురించి ప్రియాంక మోహన్ ఒక ముఖ్యమైన సందేశాన్ని ఇచ్చారు. “AI ని ధార్మికమైన సృజనాత్మకత కోసం ఉపయోగించాలి, తప్పుడు సమాచారం కోసం కాదు. మనం ఏం సృష్టిస్తున్నాం, ఏం పంచుతున్నాం అనే దానిపై అందరం శ్రద్ధ వహిద్దాం అని ఆమె పేర్కొన్నారు.
‘OG’ సినిమా తర్వాత ప్రియాంకకు ఎదురైన సమస్య :
ప్రియాంక మోహన్ ‘OG’ సినిమాలో పవన్ కళ్యాణ్ భార్య పాత్రలో కనిపించారు. ఈ సినిమా విడుదల తర్వాత, ఆ చిత్రంలోని కొన్ని సన్నివేశాలను ఆధారం చేసుకుని కొందరు AI ద్వారా నకిలీ, అభ్యంతరకరమైన ఫోటోలను సృష్టించి వాటిని ఇంటర్నెట్లో వ్యాప్తి చేశారు. ఇలా నకిలీ AI చిత్రాలకు బలైన తాజా సెలబ్రిటీలలో ప్రియాంక మోహన్ కూడా చేరారు. ఈ విషయంపై ఆమె ఇచ్చిన స్ట్రాంగ్ వార్నింగ్, సోషల్ మీడియాలో వైరల్ అవుతోంది.