దీపావళి పండుగకు ముందే తెలుగు రాష్ట్రాల్లో కూరగాయల ధరలు సామాన్యులకు చుక్కలు చూపిస్తున్నాయి. నిత్యావసర కూరగాయల ధరలు క్రమంగా పెరుగుతుండటంతో మధ్యతరగతి కుటుంబాల నెలవారీ బడ్జెట్‌పై తీవ్ర ప్రభావం పడుతోంది. ముఖ్యంగా టమాటా, ఉల్లిపాయలు, పచ్చిమిర్చి వంటి కూరగాయల ధరలు పెరగడంతో వినియోగదారులు ఆందోళన చెందుతున్నారు. పండుగ సమయంలో ధరలు తగ్గుతాయని ఆశించిన ప్రజలకు పెరుగుతున్న రేట్లు భారంగా మారాయి.
ఎల్‌నినో ప్రభావంతో పాటు ఆంధ్రప్రదేశ్‌లో వరుసగా వచ్చిన అర్ణబ్, మురసు తుఫాన్ల కారణంగా పంటలకు నష్టం వాటిల్లినట్లు తెలుస్తోంది. దీంతో కూరగాయల దిగుబడి తగ్గి మార్కెట్లకు సరఫరా కూడా తగ్గింది. మరోవైపు రవాణా ఖర్చులు పెరగడం, వాతావరణ మార్పులు కూడా ధరల పెరుగుదలకు కారణమవుతున్నాయని మార్కెట్ వర్గాలు చెబుతున్నాయి.
గతంలో రూ.500 ఖర్చు చేస్తే సంచుల నిండా కూరగాయలు కొనుగోలు చేసే అవకాశం ఉండేది. కానీ ఇప్పుడు అదే మొత్తానికి తక్కువ పరిమాణంలోనే కూరగాయలు వస్తున్నాయని వినియోగదారులు వాపోతున్నారు. ధరల పెరుగుదలతో కిలోకు బదులుగా పావు కిలోతో సరిపెట్టుకోవాల్సిన పరిస్థితి ఏర్పడిందని ఆవేదన వ్యక్తం చేస్తున్నారు. మార్కెట్లలో దళారుల జోక్యాన్ని నియంత్రించి ధరలను అదుపు చేయాలని ప్రజలు ప్రభుత్వాన్ని కోరుతున్నారు.
హైదరాబాద్‌లో కూరగాయల ధరలు ఇలా..
హైదరాబాద్‌లోని కూకట్‌పల్లి మోడ్రన్ అండ్ మోడల్ రైతుబజార్‌లో నమోదైన కూరగాయల ధరలు ఇలా ఉన్నాయి.
| కూరగాయలు | కిలో ధర |
|---|---|
| టమాటా | రూ.23 |
| వంకాయ | రూ.18 |
| బెండకాయ | రూ.45 |
| పచ్చిమిర్చి | రూ.45 |
| బజ్జి మిర్చి | రూ.55 |
| కాకరకాయ | రూ.23 |
| బీరకాయ | రూ.23 |
| క్యాబేజీ | రూ.10 |
| ఫ్రెంచ్ బీన్స్ | రూ.55 |
| క్యారెట్ | రూ.35 |
| కాలీఫ్లవర్ | రూ.25 |
| దొండకాయ | రూ.18 |
| చిక్కుడుకాయ | రూ.35 |
| గోరుచిక్కుడు | రూ.35 |
| క్యాప్సికం | రూ.40 |
| ఆలుగడ్డ | రూ.18 |
| సొరకాయ | రూ.15 |
| పొట్లకాయ | రూ.23 |
| దోసకాయ | రూ.21 |
| లోకల్ కీరా | రూ.18 |
| ఇటాలియన్ కీరా | రూ.28 |
| అలసందలు | రూ.23 |
| బీట్‌రూట్ | రూ.18 |
| కంద | రూ.45 |
| చామగడ్డ | రూ.35 |
| చిలగడదుంప | రూ.35 |
| ఉల్లిగడ్డ | రూ.40 |
| గుమ్మడికాయ | రూ.25 |
| పర్వల్ | రూ.28 |
| పల్లికాయలు | రూ.55 |
| పచ్చి చింతకాయలు | రూ.45 |
| కరివేపాకు | రూ.80 |
ఇతర వస్తువుల ధరలను పరిశీలిస్తే.. పచ్చి అరటికాయ ఒక్కొక్కటి రూ.8 నుంచి రూ.9 వరకు, ముల్లంగి, మునగకాయ ఒక్కొక్కటి రూ.6 నుంచి రూ.8 వరకు విక్రయిస్తున్నారు. మామిడికాయలు డజను రూ.15 నుంచి రూ.20 వరకు, నిమ్మకాయలు డజను రూ.50 నుంచి రూ.60 వరకు పలుకుతున్నాయి.
ఇక పాత అల్లం కిలో రూ.180, కొత్త అల్లం రూ.120, వెల్లుల్లి రూ.260, చింతపండు రూ.160, పండు మిర్చి రూ.80, ఉసిరి రూ.43, ఎండుమిర్చి రూ.280, బొప్పాయి రూ.50గా ఉన్నాయి. 200 గ్రాముల పుట్టగొడుగుల ప్యాకెట్ రూ.50కి విక్రయిస్తున్నారు.
విజయవాడలో కూరగాయల ధరలు ఇవే..
విజయవాడ మార్కెట్‌లోనూ పలు కూరగాయల ధరలు పెరిగాయి. అక్కడ నమోదైన ధరల వివరాలు ఇలా ఉన్నాయి.
| కూరగాయలు | కిలో ధర |
|---|---|
| టమాటా | రూ.36 |
| వంకాయ | రూ.30 |
| బెండకాయ | రూ.22 |
| పచ్చిమిర్చి | రూ.42 |
| కాకరకాయ | రూ.36 |
| క్యాబేజీ | రూ.24 |
| క్యారెట్ | రూ.45 |
| దొండకాయ | రూ.24 |
| బంగాళదుంప | రూ.26 |
| ఉల్లిపాయలు | రూ.40 |
| గోరుచిక్కుడు | రూ.34 |
| దోసకాయ | రూ.26 |
| సొరకాయ | రూ.15 |
| చిక్కుళ్లు | రూ.60 |
| బీరకాయ | రూ.38 |
| చామదుంప | రూ.36 |
| బీట్‌రూట్ | రూ.36 |
| కీరదోస | రూ.44 |
| బీన్స్ | రూ.85 |
| క్యాప్సికం | రూ.55 |
| అలసందలు | రూ.40 |
| చిలగడదుంప | రూ.44 |
| కొత్తిమీర | రూ.42 |
మొత్తంగా దీపావళి పండుగకు ముందే కూరగాయల ధరలు పెరగడంతో సామాన్య, మధ్యతరగతి కుటుంబాలపై అదనపు భారం పడుతోంది. మార్కెట్లకు సరఫరా పెరిగి ధరలు తగ్గితేనే వినియోగదారులకు కొంత ఉపశమనం లభించే అవకాశం ఉంది.