D NEWS: తెలంగాణ సాంస్కృతిక పునరుజ్జీవనం కోసం పనిచేస్తున్న తెలంగాణ జాగృతి రాష్ట్ర ప్రధాన కార్యదర్శిగా ఖమ్మంకు చెందిన గుంటి సుందర్ ఎన్నికయ్యారు. గత 15 ఏళ్లుగా ఖమ్మం జిల్లా అధ్యక్షుడిగా సంస్థ బలోపేతానికి ఆయన పనిచేశారు.
ఖమ్మం జిల్లాలో సాంస్కృతిక, సామాజిక సేవా కార్యక్రమాలను నిర్వహించడంలో గుంటి సుందర్ కీలక పాత్ర పోషించారు. ప్రభుత్వ ఉపాధ్యాయుడిగా విధులు నిర్వహిస్తూనే తెలంగాణ జాగృతి కార్యక్రమాల్లో చురుగ్గా పాల్గొన్నారు.
తెలంగాణ ఉద్యమం, సాంస్కృతిక కార్యక్రమాలతో పాటు స్కిల్ సెంటర్ ద్వారా నిరుద్యోగ యువతకు శిక్షణ కార్యక్రమాలను నిర్వహించారు. ఖమ్మం జిల్లాలో సంస్థ కార్యకలాపాలను విస్తరించేందుకు ఆయన కృషి చేశారు.
తనపై నమ్మకం ఉంచి రాష్ట్ర ప్రధాన కార్యదర్శి బాధ్యతలు అప్పగించిన సంస్థ వ్యవస్థాపక అధ్యక్షురాలు కల్వకుంట్ల కవితకు గుంటి సుందర్ కృతజ్ఞతలు తెలిపారు. సంస్థ నాయకత్వం తనకు అప్పగించిన బాధ్యతలను సమర్థవంతంగా నిర్వహిస్తానని తెలిపారు.
గుంటి సుందర్‌కు కొత్త బాధ్యతలు దక్కడంపై తెలంగాణ జాగృతి రాష్ట్ర, జిల్లా నాయకులు అభినందనలు తెలిపారు. రాష్ట్ర స్థాయిలో సంస్థ కార్యక్రమాలను మరింత విస్తరించేందుకు ఆయన పనిచేయనున్నారు.