D News:సూపర్ స్టార్ రజినీకాంత్ ప్రధాన పాత్రలో తెరకెక్కుతున్న క్రేజీ ప్రాజెక్ట్ **‘ధర్మన్’**పై రోజురోజుకూ ఆసక్తి పెరుగుతోంది. అశ్వత్ మారిముత్తు దర్శకత్వం వహిస్తున్న ఈ సినిమాలో సిమ్రాన్, రాశి ఖన్నా కీలక పాత్రల్లో నటిస్తున్నారు. తాజాగా టాలీవుడ్ హీరో రామ్ పోతినేని కూడా ఈ ప్రాజెక్ట్‌లో భాగమైనట్లు వార్తలు రావడంతో సినిమాపై మరింత క్యూరియాసిటీ పెరిగింది.
రజినీకాంత్‌కు రామ్ పోతినేని విలన్?
‘ధర్మన్’లో రామ్ పోతినేని ప్రతినాయక ఛాయలున్న పాత్రలో కనిపించనున్నట్లు కోలీవుడ్ మీడియాలో ప్రచారం జరుగుతోంది. కొన్ని రిపోర్టుల ప్రకారం రజినీకాంత్‌కు అల్లుడిగా, కీలక ప్రత్యర్థి పాత్రలో రామ్ నటించనున్నట్లు సమాచారం. అయితే చిత్రబృందం నుంచి దీనిపై ఇంకా అధికారిక ప్రకటన రాలేదు.
రాశి ఖన్నా పోస్ట్‌తో పెరిగిన బజ్
మైసూర్ షూటింగ్ సమయంలో రాశి ఖన్నా షేర్ చేసి, తర్వాత డిలీట్ చేసిన పోస్ట్‌లో రజినీకాంత్‌తో పాటు రామ్ పోతినేని కనిపించడంతో ఈ వార్తలకు మరింత బలం చేకూరింది. దీంతో రజినీకాంత్, రామ్, రాశి కాంబినేషన్‌పై ప్రేక్షకుల్లో ఆసక్తి పెరిగింది.
సంక్రాంతి 2027కి ధర్మన్?
కమల్ హాసన్ నిర్మిస్తున్న ఈ సినిమాకు అనిరుధ్ రవిచందర్ సంగీతం అందిస్తున్నారు. ప్రస్తుతం షూటింగ్ కొనసాగుతోంది. ఈ సినిమాను 2027 సంక్రాంతికి విడుదల చేయాలని మేకర్స్ ప్లాన్ చేస్తున్నట్లు సమాచారం.