D News:బాలీవుడ్‌తో పాటు దేశవ్యాప్తంగా ప్రేక్షకులు ఆసక్తిగా ఎదురుచూస్తున్న భారీ చిత్రం ‘రామాయణ: పార్ట్ 1’. రణ్‌బీర్ కపూర్, సాయి పల్లవి, యశ్ ప్రధాన పాత్రల్లో నటిస్తున్న ఈ సినిమాను నితీష్ తివారి తెరకెక్కిస్తున్నారు. భారీ బడ్జెట్, గ్రాండ్ విజువల్స్‌తో రూపొందుతున్న ఈ మూవీ రెండు భాగాలుగా ప్రేక్షకుల ముందుకు రానుంది.
రామాయణ రిలీజ్ డేట్ మారుతుందా?
‘రామాయణ: పార్ట్ 1’ను నవంబర్ 8న విడుదల చేయాలని తొలుత మేకర్స్ ప్లాన్ చేశారు. అయితే తాజాగా సినిమాను నవంబర్ 5న ప్రీపోన్ చేసే ఆలోచనలో ఉన్నట్లు బాలీవుడ్ మీడియా కథనాలు పేర్కొంటున్నాయి. దీపావళికి ముందే సినిమాను థియేటర్లలోకి తీసుకురావడం ద్వారా పండుగ సీజన్‌ను క్యాష్ చేసుకోవాలని మేకర్స్ భావిస్తున్నట్లు సమాచారం.
నవంబర్ 5 లేదా 6?
నవంబర్ 5 రిలీజ్‌పై వార్తలు వస్తున్నప్పటికీ.. ఈ తేదీపై ఇంకా అధికారిక ప్రకటన రావాల్సి ఉంది. మరోవైపు నవంబర్ 6న వరల్డ్‌వైడ్ రిలీజ్కు సంబంధించిన అధికారిక సమాచారం ఇప్పటికే ఉంది. దీంతో మేకర్స్ తుది రిలీజ్ డేట్‌పై త్వరలో క్లారిటీ ఇచ్చే అవకాశం ఉంది.
భారీ అంచనాలతో రామాయణ
ఈ సినిమాలో రణ్‌బీర్ కపూర్ శ్రీరాముడిగా, సాయి పల్లవి సీతగా, యశ్ రావణుడిగా కనిపించనున్నారు. భారీ స్థాయిలో VFX, విజువల్ ఎఫెక్ట్స్‌తో తెరకెక్కుతున్న ఈ సినిమాను అంతర్జాతీయ ప్రేక్షకులను దృష్టిలో పెట్టుకుని రూపొందిస్తున్నారు. ఇప్పటికే సినిమాపై దేశవ్యాప్తంగా భారీ అంచనాలు నెలకొన్నాయి.
కొత్త తరహాలో ప్రమోషన్స్
‘రామాయణ’ ప్రమోషన్స్‌లోనూ మేకర్స్ ప్రత్యేకమైన వ్యూహాన్ని అనుసరిస్తున్నారు. సోషల్ మీడియా ఇన్‌ఫ్లుయెన్సర్లు, డిజిటల్ కంటెంట్ క్రియేటర్ల ద్వారా సినిమాను యువతకు మరింతగా చేరువ చేసే ప్రయత్నాలు చేస్తున్నారు. తాజాగా ప్రముఖ యూట్యూబర్ మిస్టర్ బీస్ట్తో జరిగిన కార్యక్రమం కూడా ఈ ప్రమోషన్‌లో భాగంగా నిలిచింది.