D Educt: Sept 15: లాసెట్, పీజీ ఎల్‌సెట్‌-2026 తుది విడత కౌన్సెలింగ్‌
లాసెట్, పీజీ ఎల్‌సెట్‌-2026కు సంబంధించిన ప్రవేశాల తుది విడత వెబ్‌ కౌన్సెలింగ్‌ షెడ్యూల్‌ విడుదలైంది. కౌన్సెలింగ్‌ షెడ్యూల్‌ను కన్వీనర్‌ ఐ. పాండురంగారెడ్డి సెప్టెంబరు 13న ప్రకటించారు.
సెప్టెంబరు 15 నుంచి రిజిస్ట్రేషన్‌
తుది విడత కౌన్సెలింగ్‌లో భాగంగా ఆన్‌లైన్‌ రిజిస్ట్రేషన్‌, సర్టిఫికెట్ల వెరిఫికేషన్‌ ప్రక్రియ సెప్టెంబరు 15 నుంచి 17 వరకు కొనసాగనుంది. అర్హత కలిగిన అభ్యర్థులు నిర్ణీత గడువులోగా ఆన్‌లైన్‌లో రిజిస్ట్రేషన్‌ చేసుకుని, ధ్రువపత్రాల వెరిఫికేషన్‌ ప్రక్రియను పూర్తి చేసుకోవాలని అధికారులు సూచించారు.
సెప్టెంబరు 19-21 వరకు వెబ్‌ ఆప్షన్లు
అభ్యర్థులు తమకు నచ్చిన కళాశాలలు, కోర్సులకు సంబంధించిన వెబ్‌ ఆప్షన్లను సెప్టెంబరు 19 నుంచి 21 వరకు నమోదు చేసుకోవచ్చు. అభ్యర్థులు అందుబాటులో ఉన్న కళాశాలలు, కోర్సులను పరిశీలించి ప్రాధాన్యత క్రమంలో వెబ్‌ ఆప్షన్లు నమోదు చేసుకోవాలని సూచించారు.
25న సీట్ల కేటాయింపు
వెబ్‌ ఆప్షన్ల ప్రక్రియ పూర్తయిన అనంతరం ఎంపికైన అభ్యర్థుల జాబితాను సెప్టెంబరు 25న ప్రకటించనున్నారు. సీట్లు పొందిన అభ్యర్థులు నిర్ణీత గడువులోగా తదుపరి ప్రవేశ ప్రక్రియను పూర్తి చేయాల్సి ఉంటుంది.
సెప్టెంబరు 29 వరకు కాలేజీల్లో రిపోర్టింగ్‌
సీట్లు పొందిన అభ్యర్థులు తమకు కేటాయించిన కళాశాలల్లో సెప్టెంబరు 29లోపు రిపోర్టు చేయాలని అధికారులు తెలిపారు. తుది విడత కౌన్సెలింగ్‌ కావడంతో అభ్యర్థులు అన్ని దశలను నిర్ణీత గడువులోగా పూర్తి చేసి ప్రవేశాలను ఖరారు చేసుకోవాలని సూచించారు.