పీఈసెట్‌ రెండో విడత సీట్లు కేటాయింపు

D Educt: Aug 22: పీఈసెట్‌ రెండో విడత కౌన్సెలింగ్‌ సీట్లు కేటాయింపు

పీఈసెట్‌ రెండో విడత కౌన్సెలింగ్‌లో భాగంగా సీట్ల కేటాయింపు ప్రక్రియను శుక్రవారం పూర్తి చేశారు. డీపీఎడ్‌, బీపీఎడ్‌ కోర్సుల్లో రెండో విడతలో మొత్తం 1,173 సీట్లు అందుబాటులో ఉండగా, వాటిలో 661 మంది అభ్యర్థులకు సీట్లు కేటాయించారు.

తొలి విడత కౌన్సెలింగ్‌లో 1,106 మంది అభ్యర్థులు సీట్లు పొందారు. అయితే వారిలో కేవలం 653 మంది మాత్రమే సంబంధిత కళాశాలల్లో రిపోర్ట్‌ చేసినట్లు ప్రవేశాల కన్వీనర్‌ ఆచార్య పాండురంగారెడ్డి తెలిపారు.

రెండో విడతలో సీట్లు పొందిన అభ్యర్థులు ఆగస్టు 27లోపు ఫీజు చెల్లించి సంబంధిత కళాశాలల్లో రిపోర్ట్‌ చేయాలని ఆయన సూచించారు. నిర్ణీత గడువులోపు రిపోర్ట్‌ చేయకపోతే సీటు కోల్పోయే అవకాశం ఉన్నందున అభ్యర్థులు గడువును దృష్టిలో ఉంచుకోవాలని అధికారులు సూచించారు.