DSports o2May 2026:హైదరాబాద్:ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈరోజు (మే 2, 2026) ఉపముఖ్యమంత్రి పవన్ కల్యాణ్ను పరామర్శించనున్నారు. ఈరోజు సాయంత్రం 5 గంటలకు జూబ్లీహిల్స్ రోడ్ నంబర్ 35లో ఉన్న పవన్ కల్యాణ్ నివాసానికి సీఎం స్వయంగా వెళ్లనున్నారు.
- ఇటీవల ముక్కుకు సంబంధించిన శస్త్రచికిత్స చేయించుకున్న పవన్ కల్యాణ్, ప్రస్తుతం తన నివాసంలో విశ్రాంతి తీసుకుంటున్నారు. ఆయన ఆరోగ్య పరిస్థితిని అడిగి తెలుసుకునేందుకు సీఎం చంద్రబాబు ఈ భేటీని ఏర్పాటు చేసుకున్నారు. గత నెలలో అధికారులతో పాలనాపరమైన అంశాలపై చర్చిస్తున్న సమయంలో పవన్ అస్వస్థతకు గురయ్యారు. వైద్యుల సూచన మేరకు ఏప్రిల్ 18న హైదరాబాద్లోని ఒక ప్రైవేట్ ఆస్పత్రిలో ఆయనకు సర్జరీ జరిగింది.
- శస్త్రచికిత్స అనంతరం కనీసం 10 రోజుల పాటు విశ్రాంతి తీసుకోవాలని, అలాగే దీర్ఘకాలికంగా కొన్ని జాగ్రత్తలు పాటించాలని వైద్యులు పవన్కు సూచించారు. ప్రస్తుతం ఆయన కోలుకుంటున్నారు. పవన్ ఇంటికి వెళ్లే ముందు, సీఎం చంద్రబాబు నందగిరి హిల్స్లో ఇటీవల మరణించిన రీజెన్సీ సెరామిక్స్ అధినేత జి.ఎన్. నాయుడు కుటుంబ సభ్యులను కూడా పరామర్శించనున్నారు.
- గత వారం రోజులుగా పవన్ కల్యాణ్ తన కార్యకలాపాలను నిలిపివేసి విశ్రాంతిలో ఉండగా, ప్రధాని నరేంద్ర మోదీ, గవర్నర్ అబ్దుల్ నజీర్ వంటి ప్రముఖులు ఇప్పటికే ఆయనకు ఫోన్ చేసి పరామర్శించారు. తాజాగా సీఎం పర్యటనతో రాజకీయ వర్గాల్లోనూ ఈ భేటీ ఆసక్తికరంగా మారింది.