DNews: Apr 29: యాదాద్రి: ఎమ్మెల్యే కోమటిరెడ్డి రాజగోపాల్ రెడ్డి తీవ్ర వ్యాఖ్యలు చేశారు. టీఆర్ఎస్ అధ్యక్షురాలు కవితపై ఆయన విరుచుకుపడ్డారు. టీఆర్ఎస్ పేరుతో పార్టీ ఏర్పాటు చేయడం హాస్యాస్పదమని వ్యాఖ్యానించారు. ఒక కుమార్తె తన తండ్రి పట్ల ప్రేమ చూపాలి కానీ కవిత తన మొదటి సభలోనే తండ్రిని దూషించడం ద్వారా గౌరవాన్ని కోల్పోయిందని అన్నారు. కార్యకర్తలు కేటీఆర్ను దూషించడం తనకు బాధ కలిగించిందని తెలిపారు. తండ్రిని గౌరవించని వ్యక్తి తల్లి అవ్వగలదా అని ప్రశ్నించారు. అన్నపై ఉన్న కోపాన్ని తండ్రిపై చూపడం తప్పు అని అన్నారు.
అలాగే, కవితకు లిక్కర్ స్కామ్లో ఇప్పటికీ క్లీన్చిట్ రాలేదని, కేసు ముగియలేదని స్పష్టం చేశారు. డబ్బు ఉంటే పార్టీ ఏర్పాటు చేయడం పావుల దుకాణం పెట్టినంత సులభమని ఎద్దేవా చేశారు.
మంత్రి పదవి విషయమై మాట్లాడుతూ, హైకమాండ్ తనకు హామీ ఇచ్చిందని, ఆ మాట నిలబెట్టుకుంటుందని నమ్మకం వ్యక్తం చేశారు. ఐదు రాష్ట్రాల ఎన్నికల ఫలితాల తర్వాత కేబినెట్ విస్తరణ జరిగే అవకాశం ఉందని తెలిపారు. మంత్రి పదవి వస్తే మరింత కష్టపడి పనిచేస్తానని కోమటిరెడ్డి రాజగోపాల్ రెడ్డి అన్నారు.