DSports 17Mar 2026:ముంబై/కోల్‌కతా: ఐపీఎల్ 19వ సీజన్ ప్రారంభానికి కొద్ది రోజుల ముందు డిఫెండింగ్ ఛాంపియన్ కోల్‌కతా నైట్ రైడర్స్ (KKR)కు కోలుకోలేని దెబ్బ తగిలింది. ఆ జట్టు కీలక ఫాస్ట్ బౌలర్ హర్షిత్ రాణా మోకాలి గాయం కారణంగా ఈ ఏడాది టోర్నీ నుంచి దాదాపుగా తప్పుకున్నట్లు తెలుస్తోంది. ఇటీవల జరిగిన బీసీసీఐ ‘నమన్ అవార్డ్స్’ వేడుకకు ఆయన ఊతకర్రల సాయంతో హాజరుకావడం అభిమానులను ఆందోళనకు గురిచేసింది.
- 2026 టీ20 వరల్డ్ కప్‌కు ముందు దక్షిణాఫ్రికాతో జరిగిన వార్మప్ మ్యాచ్‌లో హర్షిత్ రాణా మోకాలికి తీవ్రమైన గాయమైంది. ఆ గాయం కారణంగానే ఆయన ప్రపంచకప్ నుంచి కూడా వైదొలగాల్సి వచ్చింది. ఫిబ్రవరి 9న ముంబైలోని ఒక ప్రైవేట్ ఆసుపత్రిలో ఆయనకు శస్త్రచికిత్స కూడా జరిగింది. ప్రస్తుతం ఆయన కోలుకుంటున్నప్పటికీ, పూర్తి ఫిట్‌నెస్ సాధించడానికి కనీసం 3 నుండి 4 నెలల సమయం పడుతుందని వైద్య నిపుణులు అంచనా వేస్తున్నారు.
- ఆదివారం జరిగిన బీసీసీఐ అవార్డుల కార్యక్రమంలో హర్షిత్ రాణాను ‘బెస్ట్ ఇంటర్నేషనల్ డెబ్యూటెంట్’ అవార్డు వరించింది. అయితే, స్టేజ్ పైకి నడిచి వెళ్లలేని స్థితిలో ఆయన ఊతకర్రల సాయంతో రావడం చూసి అందరూ ఆశ్చర్యపోయారు. ఆయన పరిస్థితిని గమనించిన ఐపీఎల్ ఛైర్మన్ అరుణ్ ధుమాల్ స్వయంగా కిందికి దిగి వచ్చి ఆయనకు అవార్డును అందజేశారు.
- హర్షిత్ స్థానంలో ఎవరిని తీసుకోవాలనే దానిపై ఇంకా అధికారిక ప్రకటన రాలేదు. అయితే జింబాబ్వే పేసర్ బ్లెస్సింగ్ ముజరబానీ ఇప్పటికే జట్టుతో చేరారు.జట్టులో ఉన్న వైభవ్ అరోరా, ఉమ్రాన్ మాలిక్, ఆకాశ్ దీప్ లేదా కార్తీక్ త్యాగి వంటి దేశవాళీ బౌలర్లకు ఈసారి ఎక్కువ అవకాశాలు దక్కవచ్చు.