DSports 14Feb 2026:న్యూఢిల్లీ: టీ20 ప్రపంచకప్ 2026లో అత్యంత ఆసక్తికరమైన సమరానికి సమయం ఆసన్నమైంది. రేపు (ఆదివారం) జరగబోయే భారత్-పాకిస్థాన్ మ్యాచ్‌పై క్రికెట్ ప్రపంచం మొత్తం కళ్లు కాయలు కాచేలా ఎదురుచూస్తోంది. ఈ నేపథ్యంలో టీమిండియా దిగ్గజ ఆఫ్-స్పిన్నర్ హర్భజన్ సింగ్ ఒక ప్రైవేట్ వార్తా ఛానెల్‌తో మాట్లాడుతూ, ఈ మ్యాచ్‌లో ఫలితం భారత్‌కు అనుకూలంగానే ఉంటుందని జోస్యం చెప్పారు.
- “ప్రస్తుతం ఉన్న భారత జట్టు ఎంతో పటిష్టంగా ఉంది. బ్యాటింగ్, బౌలింగ్ మరియు ఫీల్డింగ్.. ఈ మూడు విభాగాల్లోనూ టీమిండియా పాకిస్థాన్ కంటే ఎంతో మెరుగ్గా ఉంది. పాక్ జట్టులో ప్రతిభ ఉన్నప్పటికీ, ఒత్తిడిని ఎదుర్కోవడంలో భారత్ ఎప్పుడూ ముందుంటుంది” అని భజ్జీ పేర్కొన్నారు.
- శ్రీలంక పిచ్‌లను దృష్టిలో ఉంచుకుని, భారత్ ముగ్గురు స్పిన్నర్లతో (అక్షర్, వరుణ్ చక్రవర్తి, కుల్దీప్) బరిలోకి దిగడం సరైన నిర్ణయమని ఆయన సమర్థించారు. “పాక్ బ్యాటర్లకు స్పిన్ అంటే ఎప్పుడూ భయమే. మన స్పిన్నర్లు వారిని కచ్చితంగా కట్టడి చేస్తారు” అని ధీమా వ్యక్తం చేశారు. కెప్టెన్‌గా సూర్యకుమార్ యాదవ్ తన నిర్ణయాలతో జట్టును అద్భుతంగా నడిపిస్తున్నాడని, ఈ మ్యాచ్‌లో అతని బ్యాటింగ్ కూడా కీలకం కానుందని భజ్జీ అభిప్రాయపడ్డారు.