DSports 14Feb 2026:కొలంబో: శ్రీలంక వేదికగా జరుగుతున్న టీ20 ప్రపంచకప్లో ఐర్లాండ్ బ్యాటర్లు శివాలెత్తారు. గ్రూప్-బిలో భాగంగా శనివారం ఒమన్తో జరిగిన మ్యాచ్లో ఐర్లాండ్ నిర్ణీత 20 ఓవర్లలో 5 వికెట్ల నష్టానికి 235 పరుగుల భారీ స్కోరు సాధించింది. ఈ టోర్నీలో ఇప్పటివరకు నమోదైన అత్యధిక టీమ్ స్కోరు ఇదే కావడం విశేషం.
- టాస్ ఓడి బ్యాటింగ్కు దిగిన ఐర్లాండ్కు ఆదిలోనే షాక్ తగిలింది. ఒమన్ స్పిన్నర్ షకీల్ అహ్మద్ ధాటికి టాప్ ఆర్డర్ కుప్పకూలింది. కేవలం 64 పరుగులకే 4 వికెట్లు కోల్పోయి ఐర్లాండ్ పీకల్లోతు కష్టాల్లో పడింది. కష్టాల్లో ఉన్న జట్టును తాత్కాలిక కెప్టెన్ లోర్కాన్ టక్కర్, గారెత్ డెలానీ ఆదుకున్నారు. వీరిద్దరూ ఐదో వికెట్కు 101 పరుగుల మెరుపు భాగస్వామ్యాన్ని నెలకొల్పారు. 51 బంతుల్లో 94 పరుగులతో (10 ఫోర్లు, 4 సిక్సర్లు) అజేయంగా నిలిచి కెప్టెన్ ఇన్నింగ్స్ ఆడాడు. 30 బంతుల్లో 56 పరుగులు చేసి అవుట్ అయ్యాడు. ఇన్నింగ్స్ ఆఖర్లో జార్జ్ డాక్రెల్ ఆకాశమే హద్దుగా చెలరేగాడు. కేవలం 9 బంతుల్లో 5 సిక్సర్లతో 35 పరుగులు చేసి స్కోరును 230 దాటించాడు. ముఖ్యంగా చివరి ఓవర్లో వరుసగా మూడు సిక్సర్లు బాది ఒమన్ బౌలర్లను హడలెత్తించాడు. ఒమన్ బౌలర్లలో షకీల్ అహ్మద్ 3 వికెట్లతో రాణించినప్పటికీ, మిగిలిన బౌలర్లు భారీగా పరుగులు సమర్పించుకున్నారు.