DSports Dec24 2025:మెల్బోర్న్: ఆస్ట్రేలియా చేతిలో ఇప్పటికే యాషెస్ సిరీస్‌ను 3-0తో కోల్పోయిన ఇంగ్లండ్ జట్టుకు గడ్డు కాలం నడుస్తోంది. రెండో టెస్టు తర్వాత క్వీన్స్‌లాండ్‌లోని నూసా (Noosa) బీచ్ రిసార్ట్‌లో ఆటగాళ్లు జరిపిన విందులో హద్దులు దాటి మద్యం సేవించారని, అది ఒక ‘బ్యాచిలర్ పార్టీ’ (Stag-do) లాగా మారిందని సోషల్ మీడియాలో విమర్శలు వెల్లువెత్తాయి. దీనికి తోడు ఓపెనర్ బెన్ డకెట్ మద్యం మత్తులో ఉన్నట్లు ఉన్న ఒక వీడియో వైరల్ కావడంతో వివాదం మరింత ముదిరింది.
ఆసక్తికరమైన విషయం ఏంటంటే.. గతంలో బెన్ స్టోక్స్ కూడా మద్యం అలవాటు వల్ల వ్యక్తిగత జీవితంలో, కెరీర్‌లో ఇబ్బందులు పడ్డారు. అందుకే ఆయన 2025 ప్రారంభం నుంచి మద్యం ముట్టుకోకుండా ‘క్లీన్’ లైఫ్ స్టైల్‌ను పాటిస్తున్నారు. తన ఆటగాళ్లను కూడా అదే బాధ్యతాయుతమైన మార్గంలో నడిపించేందుకు ఆయన ప్రయత్నిస్తున్నారు.
ఒకవైపు విచారణ, మరోవైపు నాలుగో టెస్టు ముంగిట ఉన్న ఇంగ్లండ్ జట్టు ఈ ఒత్తిడిని అధిగమించి బాక్సింగ్ డే టెస్టులో ఎలా రాణిస్తుందో చూడాలి.