DET:DEC 17:
ఫిల్మ్‌ఫేర్ ఉత్తమ నటిగా అనన్యా పాండే:
ఇటీవల జరిగిన ఫిల్మ్‌ఫేర్ OTT అవార్డ్స్ 2025 వేడుకలో అనన్యా పాండే తన కెరీర్‌లోనే ఒక మైలురాయిని అందుకున్నారు. అమెజాన్ ప్రైమ్ వీడియోలో విడుదలైన కాల్ మీ బే సిరీస్‌లో బెల్లా చౌదరి పాత్రలో ఆమె చూపిన నటనకు విమర్శకుల ప్రశంసలు దక్కాయి.ఒక ధనవంతుల ఇంటి అమ్మాయి,కష్టాల్లో పడి తనను తాను ఎలా మార్చుకుంది అనే కథాంశంలో అనన్యా కామెడీ టైమింగ్ ప్రేక్షకులను ఆకట్టుకుంది.బ్లాక్ లేడీ అవార్డును అందుకున్న ఫోటోలను ఆమె సోషల్ మీడియాలో షేర్ చేస్తూ తన సంతోషాన్ని పంచుకున్నారు.
షూటింగ్ సెట్స్‌లోనే అవార్డు వేడుకలు:
ఈ అవార్డు గెలుచుకున్న సమయంలో అనన్యా పాండే కాల్ మీ బే సీజన్ 2 షూటింగ్‌లో బిజీగా ఉండటం విశేషం.సెట్స్‌లోనే చిత్ర బృందంతో కలిసి ఆమె కేక్ కట్ చేసి సెలబ్రేట్ చేసుకున్నారు.మేము సీజన్ 2 షూటింగ్‌లో ఉన్నప్పుడే ఈ గౌరవం దక్కడం చాలా ప్రత్యేకం.నాపై నమ్మకం ఉంచిన దర్శక నిర్మాతలకు,అభిమానులకు ధన్యవాదాలు అంటూ ఆమె ఎమోషనల్ అయ్యారు.మొదటి సీజన్ సాధించిన విజయం ఇప్పుడు వచ్చిన ఈ అవార్డు రెండో సీజన్‌పై అంచనాలను భారీగా పెంచేశాయి.
కాల్ మీ బే సీజన్ 2 అప్‌డేట్స్:
మొదటి భాగం సూపర్ హిట్ అవ్వడంతో మేకర్స్ రెండో సీజన్‌ను మరింత గ్రాండ్‌గా ప్లాన్ చేస్తున్నారు.ముంబై నేపథ్యంలో సాగే ఈ కామెడీ డ్రామాలో ఈసారి మరిన్ని మలుపులు,కొత్త పాత్రలు ఉండబోతున్నట్లు సమాచారం.ప్రస్తుతం షూటింగ్ శరవేగంగా జరుగుతోంది.ఈ సిరీస్ ద్వారా అనన్యా తనలోని నటిని కొత్త కోణంలో ఆవిష్కరించుకున్నారు,అందుకే ఈ అవార్డు ఆమెకు చాలా విలువైందని సినీ విశ్లేషకులు భావిస్తున్నారు.