DET:DEC 13:
కిస్ కిస్కో ప్యార్ కరూన్ 2 రివ్యూ:
కపిల్ శర్మ తన కెరీర్‌లోని మొదటి హిట్ సినిమా కిస్ కిస్కో ప్యార్ కరూన్ 2015 సీక్వెల్‌తో దాదాపు పదేళ్ల తర్వాత మళ్ళీ ప్రేక్షకుల ముందుకు వచ్చారు.యాక్షన్ సినిమాల హడావుడిలో ఈ కామెడీ ఎంటర్‌టైనర్ ఎలాంటి ప్రభావం చూపింది? కపిల్ తన కామిక్ టైమింగ్‌తో మళ్ళీ మ్యాజిక్ చేశారా లేదా అనేది తెలుసుకుందాం.ఈ సినిమా కేవలం నవ్వించడం కోసమే తీసిన ఒక మాస్ మసాలా కామెడీ.ఇందులో లాజిక్‌లు వెతకకూడదు,కేవలం నవ్వుకుంటూ ఎంజాయ్ చేయడమే.
పెళ్లిళ్ల గోల,నవ్వుల సుడిగుండం:
కథ మొత్తం భోపాల్‌కు చెందిన మోహన్ శర్మ చుట్టూ తిరుగుతుంది.అతను తన గర్ల్‌ఫ్రెండ్‌ సానియా ను పెళ్లి చేసుకోవాలని చూస్తుంటాడు,కానీ మతం అడ్డంకిగా మారుతుంది.అయితే కొన్ని అనుకోని సంఘటనలు,గందరగోళ పరిస్థితుల వల్ల మోహన్ ఏకంగా ఒకరితో కాదు.ముగ్గురు అమ్మాయిలను పెళ్లి చేసుకోవాల్సి వస్తుంది!ఈసారి కథకు మతపరమైన ట్విస్ట్‌ కూడా జోడించి, నవ్వుల సుడిగుండాన్ని పెంచారు.అసలు సానియా ఎవరు?ముగ్గురు భార్యల నుండి మోహన్ ఎలా తప్పించుకున్నాడు?చివరకు ఎవరిని పెళ్లి చేసుకున్నాడు?అనేదే మిగిలిన కథ.
నటీనటుల ప్రదర్శన కపిల్ షో వన్ మ్యాన్ షో!:
నటీనటుల విషయానికి వస్తే ఇది పూర్తిగా కపిల్ శర్మ వన్-మ్యాన్ షో.తన కామెడీతో ప్రేక్షకులను నిరాశపరచలేదు.ముగ్గురు హీరోయిన్లు తమ పాత్రలకు న్యాయం చేశారు.ముఖ్యంగా త్రిధా చౌదరి స్క్రీన్ ప్రెజెన్స్ బాగుంది.ఇన్స్‌పెక్టర్ పాత్రలో సుశాంత్ సింగ్, కపిల్ స్నేహితుడి పాత్రలో మంజోత్ సింగ్ తమ కామెడీతో బాగా నవ్వించారు.జామీ లీవర్ కూడా తనదైన శైలిలో కాసేపు నవ్వులు పూయించింది.
సంగీతం & సాంకేతిక అంశాలు:
సినిమా సంగీతం,నేపథ్య సంగీతం బాగానే ఉన్నాయి,కానీ గుర్తుండిపోయేలా లేవు.యో యో హనీ సింగ్ పాట ఒకటి థియేటర్‌లో సందడి చేసింది.సినిమాటోగ్రఫీ భోపాల్‌లోని అందమైన లొకేషన్స్‌ను చూపించింది.దర్శకుడు అనుకల్ప్ గోస్వామి,కపిల్ శర్మతో చాలా కాలంగా కలిసి పనిచేస్తున్నందున,సాధారణ ప్రేక్షకులకు కనెక్ట్ అయ్యేలా కథనాన్ని సరళంగా నడిపించారు.కథనం కొంచెం పట్టుగా,మరింత లాజికల్‌గా ఉంటే బాగుండేది అనే అభిప్రాయం ఉంది.