DET:DEC 12:
జన నాయగన్ అనిరుధ్ భావోద్వేగ ప్రకటన:
దళపతి విజయ్ ఆఖరి చిత్రం జన నాయగన్ ఆడియో మరియు సంగీతం గురించి సంగీత దర్శకుడు అనిరుధ్ రవిచందర్ ఒక ముఖ్యమైన అప్‌డేట్ ఇచ్చారు.ఈ సినిమానే విజయ్ గారికి చివరి చిత్రం కావడం బాధగా ఉందంటూ ఆయన చేసిన వ్యాఖ్యలు ఫ్యాన్స్‌ను ఆకట్టుకున్నాయి అదే సమయంలో వారిని కొంత కలచివేశాయి.
సంగీతం ఆడియో లాంచ్ అప్‌డేట్:
జన నాయగన్ ఆడియో విడుదల కార్యక్రమం చాలా గ్రాండ్‌గా అద్భుతంగా జరగనుందని అనిరుధ్ ధీమా వ్యక్తం చేశారు.ఇది ఒక పెద్ద స్టేడియంలో అభిమానుల సమక్షంలో బహిరంగంగా ఉంటుందని తెలిపారు.ఈ సందర్భంగా ఆయన కత్తి,మాస్టర్,బీస్ట్,లియో వంటి గత చిత్రాల నుండి విజయ్ గారితో కలిసి చేసిన చార్ట్‌బస్టర్ పాటలను కూడా ప్రదర్శించనున్నట్లు వెల్లడించారు.ఈ వేడుక కేవలం కొత్త పాటల కోసమే కాకుండా విజయ్-అనిరుధ్ కాంబినేషన్ జర్నీకి ఒక ట్రిబ్యూట్‌గా నిలవనుందని అర్థమవుతోంది.
విజయ్ సార్ ఆఖరి సినిమా కావడం బాధాకరం:
అనిరుధ్ మాట్లాడుతూ జన నాయగన్ ఆడియోకి వస్తున్న స్పందనకు ధన్యవాదాలు.కానీ విజయ్ సార్ నటించే ఆఖరి సినిమా ఇదే కావడం నాకు చాలా బాధగా ఉంది.దళపతి రాజకీయాల్లోకి వెళ్ళడానికి ముందు చేస్తున్న ఈ చివరి సినిమాకు మరింత ఎక్కువ ఇవ్వాలని భావిస్తున్నాను అని మనసులో మాట చెప్పారు.హెచ్.వినోద్ దర్శకత్వం వహిస్తున్న ఈ సినిమాపై ఫ్యాన్స్ ఇప్పటికే భారీ అంచనాలు పెట్టుకున్నారు.విజయ్ రాజకీయ అరంగేట్రం కారణంగా ఈ చివరి సినిమా ఆయన సినీ ప్రయాణానికి ఒక గొప్ప ముగింపుగా ఉంటుందని అంతా ఎదురుచూస్తున్నారు.
సినిమా విడుదల అంచనాలు:
జన నాయగన్ సినిమా వచ్చే సంక్రాంతికి అంటే జనవరి 9,2026 న విడుదల కానుంది.ఇందులో పూజా హెగ్డే బాబీ డియోల్ వంటి వారు ముఖ్య పాత్రలు పోషిస్తున్నారు.ఇప్పటికే విడుదలైన తళపతి కచేరి పాట అభిమానులను ఉర్రూతలూగిస్తోంది.అనిరుధ్ చేసిన ఈ భావోద్వేగ ప్రకటనతో,జన నాయగన్ ఆడియో లాంచ్‌తో పాటు సినిమాపై కూడా అంచనాలు తారాస్థాయికి చేరుకున్నాయి.