DET:DEC 09:
సూపర్ స్టార్ రజినీకాంత్ 75వ జన్మదిన వేడుకలు పడయప్ప ప్రత్యేకత:
భారతీయ సినీ చరిత్రలో సూపర్ స్టార్ రజినీకాంత్‌కు ఒక ప్రత్యేక స్థానం ఉంది.డిసెంబర్ 12న ఆయన తన 75వ జన్మదినాన్ని జరుపుకోనున్నారు.ఈ సందర్భంగా ఆయన కెరీర్‌లో ఒక మైలురాయిగా నిలిచిన క్లాసిక్ చిత్రం పడయప్ప అభిమానుల కోసం మళ్లీ థియేటర్లలోకి రానుంది.ఈ రీ-రిలీజ్ తలైవాకు మరియు ఆయన అభిమానులకు ఒక గొప్ప కానుకగా నిలవనుంది.
పడయప్పకు 25 ఏళ్లు బాక్సాఫీస్ చరిత్ర సృష్టించిన చిత్రం:
కె.ఎస్ రవికుమార్ దర్శకత్వంలో 1999లో విడుదలైన పడయప్ప రజినీకాంత్ కెరీర్‌లోనే అతిపెద్ద బ్లాక్‌బస్టర్‌లలో ఒకటి.ఈ చిత్రంలో రజినీకాంత్ పద్ధతిగా ధైర్యంగా ఉండే పడయప్ప పాత్రలో నటించారు.డబ్బు కన్నా మనుషుల విలువ,మాట మీద నిలబడటం ముఖ్యం అని చెప్పే ఈ సినిమా ప్రేక్షకులను ఎంతగానో ఆకట్టుకుంది.ఈ సినిమా విడుదలైన సమయంలోనే ప్రపంచవ్యాప్తంగా 210 ప్రింట్‌లతో విడుదలైన తొలి తమిళ చిత్రంగా రికార్డు సృష్టించింది.ఇది ఆ సమయంలో అత్యధిక వసూళ్లు సాధించిన తమిళ చిత్రంగా నిలిచింది.
నీలాంబరి పాత్ర రమ్యకృష్ణ నట విశ్వరూపం:
పడయప్పకు ఇంతటి విజయాన్ని గుర్తుండిపోయే గుర్తింపును తెచ్చిపెట్టిన మరో అంశం నీలాంబరి పాత్ర.రమ్యకృష్ణ పోషించిన ఈ విలన్ పాత్ర,భారతీయ సినిమా చరిత్రలో ఒక ఐకానిక్‌గా నిలిచింది.కథానాయకుడిపై పగతో రగిలిపోయే నీలాంబరి పాత్ర చిత్రణ, ఆమె నటన ఈ సినిమాకు సరికొత్త స్థాయిలో క్రేజ్‌ను తెచ్చిపెట్టింది.హీరోకు దీటుగా విలన్ పాత్ర ఉంటే సినిమా ఎంత అద్భుతంగా ఉంటుందో నిరూపించిన చిత్రమిది.ఈ సినిమాలోని ఏ.ఆర్.రెహమాన్ సంగీతం ముఖ్యంగా పాటలు ఇప్పటికీ సంగీత ప్రియులను అలరిస్తున్నాయి.
75వ పుట్టినరోజు అభిమానుల పండగ:
ప్రతి ఏడాది డిసెంబర్ 12 రజినీకాంత్ అభిమానులకు ఒక పండగ రోజు.ఈ ఏడాది ఆయన 75వ జన్మదినం కావడంతో వేడుకలు మరింత ఘనంగా ఉండే అవకాశం ఉంది.ఈ సందర్భంగా పడయప్ప సినిమాను మళ్లీ థియేటర్లలో చూడటం అభిమానులకు భావోద్వేగభరితమైన అనుభూతినిస్తుంది.ఈ రీ-రిలీజ్ ద్వారా నేటి తరం ప్రేక్షకులకు కూడా ఈ క్లాసిక్ సినిమాను బిగ్ స్క్రీన్‌పై చూసే అవకాశం దొరుకుతుంది.రజినీకాంత్ స్టైల్ డైలాగ్‌లు మరియు ఆయన ప్రత్యేకమైన హావభావాలను తెరపై చూసి అభిమానులు మరోసారి ఉప్పొంగిపోవడం ఖాయం.