తెలుగులోకి సూప‌ర్ హిట్ న‌వ‌త‌రం హీరోగా గిల్లి న‌ట‌ను ప‌రిచయం చేస్తున్న చిత్రం!

DET:DEC 03:
సూప‌ర్ హిట్ చిత్రంతో గిల్లి న‌ట ప‌రిచ‌యం:
నవ్వుల‌తో క‌న్న‌డ ప్రేక్ష‌కుల హృద‌యాల‌ను గెలుచుకున్న న‌టుడు గిల్లి న‌ట. ఇప్పుడు ఆయన హీరోగా తొలిసారి ప‌రిచ‌యం అవుతున్న చిత్రం సూప‌ర్ హిట్. బిగ్‌బాస్ హౌస్‌లో ఆయ‌న కామెడీతో ఆడియ‌న్స్‌ని అల‌రిస్తున్న స‌మ‌యంలోనే, తెర‌పై కూడా అదే స్థాయిలో సందడి చేయ‌డానికి ఈ సినిమా సిద్ధంగా ఉంది. ద‌ర్శ‌కుడు విజ‌యానంద్ ఈ సినిమాను తెర‌కెక్కించారు. ఒక వైపు కామెడీ, మ‌రో వైపు స‌స్పెన్స్‌ను క‌లిపి ఒక క‌మ‌ర్షియ‌ల్ ఎంట‌ర్‌టైన‌ర్‌గా ఈ చిత్రాన్ని రూపొందించారు.

కామిడీ స‌స్పెన్స్ మేళ‌వింపు:
సూప‌ర్ హిట్ సినిమా టీజ‌ర్ ఇప్ప‌టికే విడుద‌లై ఆస‌క్తిని పెంచింది. ఈ సినిమా కేవ‌లం కామెడీ మాత్ర‌మే కాకుండా, ప్ర‌తి ప‌ది నిమిషాల‌కూ ఒక కొత్త ట్విస్ట్ ఇచ్చే విధంగా ఉంటుంది. కథ మొత్తాన్ని న‌వ్వులు న‌డిపిస్తాయి అయితే దాని చుట్టూ అల్లిన స‌స్పెన్స్ క‌థ‌ను మ‌రింత ర‌స‌వ‌త్త‌రంగా మారుస్తుంద‌ని ద‌ర్శ‌కుడు తెలిపారు. గౌర‌వ్ శెట్టి,శ్వేత వంటి వారు కూడా ఈ సినిమాలో ముఖ్య పాత్ర‌ల్లో క‌నిపిస్తారు. అలాగే నాగేంద్ర ప్ర‌సాద్,సాధు కోకిల వంటి సీనియ‌ర్ న‌టుల స‌హాయం కూడా ఈ చిత్రానికి బ‌లంగా నిలిచింది.

విడుద‌ల‌కు సిద్ధం:
ఈ సినిమా షూటింగ్ మరియు పోస్ట్ ప్రొడ‌క్ష‌న్ ప‌నులు అన్నీ పూర్త‌య్యాయి. నిర్మాత యు. ఉమేష్ తన సినిమా టైటిల్‌కు త‌గ్గ‌ట్టుగా పెద్ద హిట్ కావాల‌ని కోరుకుంటున్నారు. ద‌ర్శ‌కుడు విజ‌యానంద్ సోద‌రుడు వి. నాగేంద్ర ప్ర‌సాద్ సంగీతం అందించగా, ఆర్.డి. నాగ‌ర్జున సినిమాటోగ్ర‌ఫీ బాధ్య‌త‌లు చూసుకున్నారు. ఈ సూప‌ర్ హిట్ చిత్రం త్వ‌ర‌లోనే ప్రేక్ష‌కుల ముందుకు వ‌చ్చి, గిల్లి న‌ట‌ను కొత్త కోణంలో చూపించ‌డానికి సిద్ధంగా ఉంది. ప్రేక్ష‌కుల‌ను న‌వ్వించి, ఆక‌ట్టుకునే విధంగా ఈ సినిమా ఉంటుంద‌ని చిత్ర యూనిట్ న‌మ్మ‌కంగా చెబుతోంది.