DET:DEC 02:
దిల్జిత్ దోసాంజ్ బార్డర్ 2 ఫస్ట్ లుక్ ఫైటర్ పైలట్‌గా మెరుపులు:
చాలా కాలంగా ఎదురుచూస్తున్న బార్డర్ 2 సినిమా నుంచి నటుడు సింగర్ దిల్జిత్ దోసాంజ్ ఫస్ట్ లుక్ పోస్టర్ మరియు వీడియో ఇటీవల విడుదలయ్యాయి. మొదటి భాగం బార్డర్ 1997 ఎంత పెద్ద హిట్ అయిందో అందరికీ తెలిసిందే. ఇప్పుడు రాబోతున్న సీక్వెల్‌పై ప్రేక్షకుల్లో భారీ అంచనాలు ఉన్నాయి. ఇందులో దిల్జిత్ ఒక ఫైటర్ పైలట్ పాత్రలో కనిపిస్తున్నారు.
ఉద్వేగభరితమైన వీడియో విడుదల:
పోస్టర్‌తో పాటు దిల్జిత్ తన ఇన్‌స్టాగ్రామ్ ఖాతాలో ఒక వీడియోను కూడా పంచుకున్నారు. ఈ వీడియోలో ఆయన IAF యూనిఫామ్‌లో ఎయిర్ బేస్ హ్యాంగర్ నుంచి బయటకు నడుచుకుంటూ వస్తున్నారు. బ్యాక్‌గ్రౌండ్‌లో పాత బార్డర్ సినిమాలోని ఫేమస్ పాట సందేశ్ ఆయా హై వినిపించడం ప్రేక్షకులకు మరింత ఉద్వేగాన్ని పెంచుతోంది.యూనిఫామ్‌పై ఉన్న బ్యాడ్జ్‌పై ఆయన పాత్ర పేరు NJS శేఖోన్ అని ఉంది. ఈ వీడియోకు దిల్జిత్,ఈ దేశపు ఆకాశంలో గురువు యొక్క డేగలు పహారా కాస్తాయి అని క్యాప్షన్ ఇచ్చారు.
పరమ వీర చక్ర గ్రహీత పాత్ర?
దిల్జిత్ పాత్ర పేరు NJS శేఖోన్ అని తెలుస్తోంది. ఇది ఫ్లయింగ్ ఆఫీసర్ నిర్మల్ జిత్ సింగ్ శేఖోన్ గారిని స్ఫూర్తిగా తీసుకున్న పాత్ర అని టాక్. 1971 ఇండో-పాక్ యుద్ధంలో శ్రీనగర్ ఎయిర్ బేస్‌ను పాకిస్తాన్ వైమానిక దాడుల నుంచి ధైర్యంగా ఒంటరిగా రక్షించినందుకు నిర్మల్ జిత్ సింగ్ శేఖోన్ గారికి మరణానంతరం దేశ అత్యున్నత సైనిక పురస్కారం ‘పరమ వీర చక్ర లభించింది. దిల్జిత్ ఈ గొప్ప యోధుడి పాత్రను పోషిస్తున్నారని తెలిసి ఫ్యాన్స్ మరింత సంతోషిస్తున్నారు.
విడుదల తేదీ మరియు తారాగణం:
అనురాగ్ సింగ్ దర్శకత్వం వహిస్తున్న ఈ సినిమాను భూషణ్ కుమార్, జేపీ దత్తా, నిధి దత్తా నిర్మిస్తున్నారు. ఈ చిత్రంలో సన్నీ డియోల్, వరుణ్ ధావన్, అహన్ శెట్టి, మోనా సింగ్ వంటి ప్రముఖ నటీనటులు కూడా ప్రధాన పాత్రలు పోషిస్తున్నారు. ఇప్పటికే సన్నీ డియోల్ మరియు వరుణ్ ధావన్ ఫస్ట్ లుక్స్ కూడా విడుదలయ్యాయి. దేశభక్తి నేపథ్యంలో సాగే ఈ చిత్రం 2026 జనవరి 23న గణతంత్ర దినోత్సవం సందర్భంగా థియేటర్లలో విడుదల కానుంది. దిల్జిత్ ఫైటర్ పైలట్ లుక్‌తో సినిమాపై అంచనాలు తారాస్థాయికి చేరాయి.