DET:NOV 14:
కొత్త ప్రయాణం ప్రారంభం:సూపర్ మారియో గెలాక్సీ మూవీ ట్రైలర్:
2023లో వచ్చిన ది సూపర్ మారియో బ్రదర్స్ మూవీ ఎంత పెద్ద విజయం సాధించిందో అందరికీ తెలుసు.ఇప్పుడు,దానికి కొనసాగింపుగా ది సూపర్ మారియో గెలాక్సీ మూవీ అధికారిక ట్రైలర్ విడుదలైంది.ఈ కొత్త సినిమాలో మారియో మరియు అతని స్నేహితులు ఈసారి చుక్కల ప్రపంచంలోకి,అంటే అంతరిక్షంలోకి ప్రయాణించనున్నారు.ఏప్రిల్ 2026లో ఈ సినిమా థియేటర్లలో విడుదల కానుంది.
అంతరిక్షంలో సాహసాలు:
ఈ ట్రైలర్ చాలా అద్భుతంగా ఉంది.మారియో,లూయిగి,ప్రిన్సెస్ పీచ్ మరియు టోడ్ కలిసి ఆకాశంలోకి దూసుకుపోతూ కొత్త గ్రహాలను అన్వేషిస్తారు.ఈ ప్రయాణంలో వారు విభిన్నమైన ప్రపంచాలను చూపిస్తారు,అందులో ఒకటైన ఇసుక గ్రహంలో సూపర్ మారియో ఒడిస్సీ గేమ్ నుంచి తీసుకున్నట్లు అనిపించే తలకిందుల పిరమిడ్‌లు కూడా ఉన్నాయి.ట్రైలర్‌లో కనబడిన సన్నివేశాలు,విభిన్న లోకాల గుండా జరిగే వారి సాహసాలు పాత సూపర్ మారియో గెలాక్సీ గేమ్ అభిమానులకు బాగా నచ్చుతాయి.
కొత్త పాత్రల పరిచయం:రోసాలినా మరియు బౌజర్ జూనియర్
ఈ సినిమాలో కొత్తగా రెండు ముఖ్యమైన పాత్రలు పరిచయమవుతున్నాయి:ఒకటి అందమైన ప్రిన్సెస్ రోసాలినా,మరొకటి బౌజర్ జూనియర్.విశ్వాన్ని కాపాడే రోసాలినా పాత్రకు ఆస్కార్ గెలుచుకున్న నటి బ్రీ లార్సన్ వాయిస్ ఇచ్చారు.బౌజర్ జూనియర్ పాత్రకు బెన్నీ సఫ్డీ వాయిస్ ఇస్తున్నారు.ఈ ట్రైలర్‌లో రోసాలినా తన మ్యాజిక్ వాండ్‌తో ఒక పెద్ద రోబోట్‌ను ఒంటరిగా ఎదుర్కోవడం చూపిస్తారు.
పాత తారలు మళ్ళీ:
మొదటి సినిమాలో తమ పాత్రలకు వాయిస్ ఇచ్చిన నటులు మళ్ళీ ఈ సీక్వెల్‌కు తిరిగి వస్తున్నారు.క్రిస్ ప్రాట్,రియోగా,ఆన్యా టేలర్-జాయ్ ప్రిన్సెస్ పీచ్‌గా,జాక్ బ్లాక్ బౌజర్‌గా,మరియు చార్లీ డే లూయిగిగా తమ వాయిస్‌లను అందించనున్నారు.