DET:NOV 13:
చిన్మయి వ్యాఖ్యలు: జానీ మాస్టర్ కేసుపై తాజా సమాచారం:
జానీ మాస్టర్ కేసు గురించి చిన్మయి వ్యాఖ్యలు:
ప్రముఖ గాయని చిన్మయి శ్రీపాద కొరియోగ్రాఫర్ జానీ మాస్టర్ పై వచ్చిన లైంగిక వేధింపుల కేసు గురించి తన అభిప్రాయాన్ని సోషల్ మీడియాలో పంచుకున్నారు.ఈ కేసులో బాలికపై లైంగిక దాడితో పాటు,ఆమెను సెక్సువల్ గ్రూమింగ్ చేసి,తన మాట వినకపోతే పని చేసే చోట బెదిరించాడని ఆరోపణలు ఉన్నాయని చిన్మయి తెలిపారు.
కేసు గురించి మాట్లాడొద్దని జానీ మాస్టర్ భార్య విజ్ఞప్తి:
ఈ వివాదం గురించి తాను మాట్లాడిన ప్రతిసారీ,జానీ మాస్టర్ భార్య ఆయేషా తనకు ఫోన్ చేసి ఈ విషయం గురించి మాట్లాడొద్దని కోరుతున్నట్లు చిన్మయి వెల్లడించారు.వారు 100 శాతం తాము నిర్దోషులమని నిరూపించబడతామనే నమ్మకంతో ఉన్నారు అని ఆయేషా చెప్పినట్లు చిన్మయి పేర్కొన్నారు.వారి ధైర్యానికి నా అభినందనలు అంటూ చిన్మయి వ్యంగ్యంగా వ్యాఖ్యానించారు.
న్యాయంపై చిన్మయి ఆందోళన:
జానీ మాస్టర్ బాగా డబ్బు ఉన్నవారు మరియు పెద్ద పెద్ద పరిచయాలు ఉన్నవారు కావడంతో,ఆ బాధితురాలికి ఈ వ్యవస్థలో న్యాయం దక్కే అవకాశాలు తక్కువగా ఉన్నాయని చిన్మయి ఆందోళన వ్యక్తం చేశారు.వారికి అనుకూలంగా తీర్పు వచ్చిన తర్వాత,అందరూ అతను నిర్దోషి అని చెప్పి,అతనికి అవార్డులు ఇస్తారని,అయితే ఆ బాధితురాలికి న్యాయం చేయడంలో సమాజం విఫలమవుతుందని ఆమె అభిప్రాయపడ్డారు.
భవిష్యత్తుపై ప్రభావం:
ఈ విధంగా జరిగితే,అధికారంలో ఉన్న పురుషులు తమ పదవులను దుర్వినియోగం చేయడానికి మరింత ప్రోత్సహించినట్టు అవుతుందని చిన్మయి హెచ్చరించారు.ఈ కేసులో లైంగిక వేధింపులకు గురైన బాలిక విజయం సాధించి, ఆమెను వేధించిన వారిని సెలబ్రేట్ చేసుకునే ఈ సమాజానికి ఒక గట్టి సమాధానం చెప్పాలని ఆమె ఆశిస్తున్నట్లు తన పోస్ట్‌లో పేర్కొన్నారు.జానీ మాస్టర్ ప్రస్తుతం బెయిల్‌పై ఉన్నట్లు తెలుస్తోంది.