DET:NOV 13:
యూట్యూబర్ ఆశిష్ చంచ్లాని గ్లోబ్‌ట్రాటర్ లో చేరికపై ఊహాగానాలు:
యూట్యూబ్ సెన్సేషన్ ఆశిష్ చంచ్లాని,డైరెక్టర్ ఎస్.ఎస్.రాజమౌళి దర్శకత్వంలో సూపర్ స్టార్ మహేష్ బాబు,గ్లోబల్ స్టార్ ప్రియాంక చోప్రా ప్రధాన పాత్రల్లో తెరకెక్కుతున్న గ్లోబ్‌ట్రాటర్ సినిమాలో భాగం కాబోతున్నారనే ఊహాగానాలు సోషల్ మీడియాలో జోరందుకున్నాయి.ఈ భారీ అడ్వెంచర్ సినిమా గురించి ఒకదాని తర్వాత మరొక కొత్త అప్‌డేట్ వస్తున్న నేపథ్యంలో,ఆశిష్ చంచ్లాని చేసిన కొన్ని పోస్టులు ఈ చర్చకు కారణమయ్యాయి.
ఆశిష్ చంచ్లాని సోషల్ మీడియా హింట్స్:
ఆశిష్ చంచ్లాని ఇటీవల హైదరాబాద్‌లో ఉన్నప్పుడు తన సోషల్ మీడియాలో షేర్ చేసిన పోస్టులు ఫ్యాన్స్‌కు పెద్ద హింట్‌గా మారాయి.ఆయన తన ఇన్‌స్టాగ్రామ్ స్టోరీలలో ఎస్.ఎస్.రాజమౌళి రూపొందించిన బాహుబలి సినిమాలోని ప్రసిద్ధ ‘కట్టప్ప బాహుబలిని చంపే దృశ్యం యొక్క వాల్ పెయింటింగ్‌ను చూపించారు.అంతేకాకుండా,ఆయన గతంలో ట్విట్టర్లో JaiBabu అనే హ్యాష్‌ట్యాగ్‌ను వాడారు.మరొక సెల్ఫీ పోస్ట్‌కు noveMBer is noveMBering too hard అనే క్యాప్షన్ ఇచ్చారు. ఇందులో MB అనే అక్షరాలు హైలైట్ అవ్వడం,మహేష్ బాబును ఉద్దేశించేలా ఉందని అభిమానులు భావించారు.
రాజమౌళి టీమ్‌లో భాగం కానున్నారా?
ఆశిష్ చంచ్లాని గతంలో కూడా మహేష్ బాబు తనకు ఎంతో ఇష్టమైన నటుడని పలు ఇంటర్వ్యూల్లో చెప్పారు.ఈ నేపథ్యంలో,ఇప్పుడు ఆయన ఇస్తున్న హింట్స్ చూస్తుంటే,ఆయన గ్లోబ్‌ట్రాటర్ నటీనటుల బృందంలో భాగమయ్యే అవకాశం ఉందని కొందరు అంటున్నారు.అయితే,ఆయన కేవలం ఈ సినిమా ప్రమోషన్స్ కోసం లేదా నవంబర్ 15న జరగబోయే ఫస్ట్ లుక్ లాంచ్ ఈవెంట్‌కు హోస్ట్‌గా వ్యవహరించడానికి మాత్రమే హైదరాబాద్ వచ్చారా అనే సందేహాలు కూడా వ్యక్తమవుతున్నాయి.సినిమాలో ఆయన హాస్యభరితమైన పాత్రలో కనిపించే అవకాశం ఉందనే చర్చ కూడా నడుస్తోంది.
సినిమాపై అంచనాలు భారీగా ఉన్నాయి:
గ్లోబ్‌ట్రాటర్ సినిమాపై అంచనాలు ఆకాశాన్ని అంటుతున్నాయి.మహేష్ బాబు ఇందులో ఒక టఫ్ ఎక్స్‌ప్లోరర్ పాత్ర పోషిస్తున్నారని తెలుస్తోంది.ఇప్పటికే ప్రియాంక చోప్రా ఫస్ట్ లుక్ కూడా విడుదలైంది,ఆమె మందాకిని అనే గన్ పట్టుకున్న పాత్రలో కనిపిస్తున్నారు.పృథ్వీరాజ్ సుకుమారన్ కూడా ఈ సినిమాలో కీలక పాత్ర పోషిస్తున్నట్టు ధృవీకరించబడింది.రాజమౌళి,మహేష్ బాబు,ప్రియాంక చోప్రా వంటి అగ్ర తారలు,సాంకేతిక నిపుణుల కలయికతో రూపొందుతున్న ఈ చిత్రం భారతీయ సినిమాలోనే ఒక అద్భుతమైన సాహస గాథగా నిలవనుందని సినీ వర్గాలు భావిస్తున్నాయి.