DET:NOV 13:
స్టార్-స్టడెడ్ ఈవెంట్: తేరే ఇష్క్ మే సంగీత వేడుక:
ముంబైలో జరిగిన తేరే ఇష్క్ మే సినిమా మ్యూజిక్ లాంచ్ ఈవెంట్ సినీ ప్రపంచంలో సందడి సృష్టించింది.ఈ వేడుకకు సినిమా హీరో ధనుష్,హీరోయిన్ కృతి సనన్ మరియు లెజెండరీ సంగీత దర్శకుడు ఏ.ఆర్.రెహమాన్ సహా చిత్ర బృందం మొత్తం హాజరయ్యారు.దర్శకుడు ఆనంద్ ఎల్.రాయ్ రూపొందించిన ఈ సినిమా పాటలు ఇప్పటికే ప్రేక్షకులను ఆకట్టుకుంటున్నాయి.ఈ గ్రాండ్ ఈవెంట్‌తో సినిమాపై అంచనాలు మరింత పెరిగాయి.
ధనుష్ అన్‌రిలీజ్డ్ పాటతో మాయ:
ఈ మ్యూజికల్ నైట్‌లో హీరో ధనుష్ ఒక అద్భుతమైన ప్రదర్శన ఇచ్చారు.ఆయన ఈ సినిమాలో తనే రాసి,పాడిన,ఇంకా విడుదల చేయని ఒక తమిళ వెర్షన్ పాటను వేదికపై ఆలపించారు.ఈ పాట చాలా ఎమోషనల్‌గా,ఓ జోలపాటలా ఉందని అంటున్నారు.ధనుష్ పాట పాడుతుండగా,సంగీత మాంత్రికుడు ఏ.ఆర్.రెహమాన్ పక్కనే పియానో వాయించడం ఈ వేడుకకే హైలైట్‌గా నిలిచింది.ఈ క్షణాలు ప్రేక్షకులందరినీ ఎంతగానో కదిలించాయి.
కృతి సనన్ అందం:ఆకట్టుకున్న స్టార్స్ లుక్:
ఈ వేడుకలో తారలందరి లుక్స్ చాలా ఆకర్షణీయంగా ఉన్నాయి.కథానాయిక కృతి సనన్ గులాబీ రంగు చీరలో దేవకన్యలా మెరిసిపోయింది.ఆమె తన అందంతో అందరి దృష్టిని ఆకర్షించింది.హీరో ధనుష్ బ్లాక్ షర్ట్,ప్యాంట్‌లో చాలా హుందాగా కనిపించారు.ఇక సంగీత దర్శకుడు ఏ.ఆర్.రెహమాన్ బ్లాక్ డిజైనర్ ఇండో-వెస్ట్రన్ దుస్తుల్లో స్టైలిష్‌గా కనిపించారు. సింగర్స్ సుఖ్విందర్ సింగ్,శిల్పా రావు కూడా ఈ వేడుకకు హాజరయ్యారు.
పాటలకు అద్భుతమైన స్పందన:
తేరే ఇష్క్ మే సినిమా పాటలకు ప్రేక్షకుల నుంచి అద్భుతమైన స్పందన లభిస్తోంది.ముఖ్యంగా టైటిల్ ట్రాక్ అయిన తేరే ఇష్క్ మే యూట్యూబ్‌లో 500 మిలియన్లకు పైగా వ్యూస్‌ను దాటింది.ఇటీవల విడుదలైన ఉసే కెహనా పాట కూడా భావోద్వేగాలతో నిండిన ఈ చిత్ర కథాంశాన్ని ప్రతిబింబిస్తూ అందరినీ ఆకట్టుకుంటోంది.ఏ.ఆర్.రెహమాన్ సంగీతం మరోసారి ఈ సినిమాకు ప్రధాన బలంగా నిలిచింది.
రాంజనా స్పూర్తితో.. విడుదల ఎప్పుడంటే?
తేరే ఇష్క్ మే చిత్రాన్ని రాంజనా చిత్రానికి ఒక స్పిరిచువల్ సీక్వెల్ గా భావిస్తున్నారు.దర్శకుడు ఆనంద్ ఎల్.రాయ్ మరియు ధనుష్ కాంబినేషన్‌లో వస్తున్న మూడవ సినిమా ఇది.వీరిద్దరి గత చిత్రాలు రాంజనా,అత్రంగీ రే మంచి విజయాన్ని అందుకున్నాయి.ధనుష్ శంకర్ అనే పాత్రలో,కృతి సనన్ ముక్తి అనే పాత్రలో నటిస్తున్నారు.ఈ ఎమోషనల్ లవ్ స్టోరీ నవంబర్ 28,2025న థియేటర్లలో ప్రపంచవ్యాప్తంగా విడుదల కానుంది.