ఘట్టమనేని కొత్త హీరో: అజయ్ భూపతి దర్శకత్వంలో జయకృష్ణ ఎంట్రీ!

DET:NOV 10:
ఘట్టమనేని కుటుంబం నుంచి మరో హీరో: జయకృష్ణ ఎంట్రీ
సూపర్ స్టార్ కృష్ణ గారి కుటుంబం నుండి,మహేష్ బాబు గారి సోదరుడు రమేష్ బాబు గారి తనయుడు జయకృష్ణ ఘట్టమనేని హీరోగా వెండి తెరకు పరిచయం కాబోతున్నాడు.ఈ వార్త చాలా రోజులుగా సినీ వర్గాలలో వినిపిస్తున్నప్పటికీ,తాజాగా దీనిపై అధికారిక ప్రకటన వెలువడింది.ఘట్టమనేని వారసుడి ఎంట్రీతో సూపర్ స్టార్ అభిమానులు ఎంతో సంతోషంగా ఉన్నారు.

RX 100 దర్శకుడితో తొలి సినిమా:
జయకృష్ణ తొలి సినిమాకు దర్శకత్వం వహించే బాధ్యతను ‘RX 100’ మరియు మంగళవారం వంటి బోల్డ్ చిత్రాలతో మంచి గుర్తింపు తెచ్చుకున్న దర్శకుడు అజయ్ భూపతి తీసుకున్నారు.వీరిద్దరి కలయికలో రాబోతున్న ఈ సినిమాపై అప్పుడే అంచనాలు పెరిగాయి.అజయ్ భూపతి తన సినిమాల్లో కొత్త తరహా కథాంశాలను,బలమైన పాత్రలను చూపించడంలో పేరుగాంచారు.

వైజయంతి మూవీస్ సమర్పణలో చిత్రం:
ఈ ప్రతిష్టాత్మక ప్రాజెక్టును ప్రముఖ నిర్మాణ సంస్థ వైజయంతి మూవీస్ సమర్పిస్తోంది.ఈ సంస్థ అధినేత అశ్విని దత్ గారు ఇంతకుముందు కృష్ణ గారితో బ్లాక్ బస్టర్ సినిమాలు తీశారు.అంతేకాకుండా,మహేష్ బాబు గారిని కూడా ఆయనే చిత్ర పరిశ్రమకు పరిచయం చేశారు.ఇప్పుడు జయకృష్ణ కూడా అదే బ్యానర్‌తో అడుగు పెట్టడం విశేషం.

త్వరలోనే రెగ్యులర్ షూటింగ్ ప్రారంభం:
ఈ చిత్రాన్ని పి.కిరణ్ కుమార్ చందమామ కథలు బ్యానర్‌పై నిర్మిస్తున్నారు.ఈ చిత్ర యూనిట్ ఇటీవల సినిమా ప్రకటన పోస్టర్‌ను విడుదల చేసింది.తిరుమల ఆలయం కొండలు బ్యాక్‌గ్రౌండ్‌లో కనిపిస్తున్న పోస్టర్ ఆకట్టుకునేలా ఉంది.ఈ నెలలోనే రెగ్యులర్ షూటింగ్ ప్రారంభం కానున్నట్లు చిత్ర యూనిట్ అధికారికంగా ప్రకటించింది.దీనికి సంబంధించిన మరిన్ని వివరాలు త్వరలో వెల్లడి కానున్నాయి.