DET:NOV 07:
కాంత కథపై 50 గంటల కసరత్తు!
దుల్కర్ సల్మాన్ కాంత సినిమా కోసం 50 గంటలకు పైగా స్క్రిప్ట్ మీటింగ్లకు హాజరైనట్లు తెలిపారు.సినిమా కథ చాలా లోతుగా,విభిన్నంగా ఉండడం వల్లే,దానిపై ఇంత కసరత్తు చేయాల్సి వచ్చిందని పేర్కొన్నారు.ఇది మామూలు కథ కాదు,అని ఆయన అన్నారు,కథలోని వైవిధ్యాన్ని నొక్కి చెప్పారు.ఈ సినిమా కథా చర్చలకు ఇంత సమయం వెచ్చించడం బట్టి,ఈ ప్రాజెక్ట్పై దుల్కర్కు ఎంత నిబద్ధత ఉందో అర్థమవుతోంది.
వైవిధ్యభరితమైన కథాంశం:
కాంత ఒక పీరియడ్ డ్రామా చిత్రం,ఇది 1950ల నాటి మద్రాస్ నేపథ్యంతో సాగుతుంది.ఆ కాలం నాటి సామాజిక వాతావరణం, మనుషుల ఆశలు,సంబంధాల చుట్టూ ఈ కథ అల్లుకుని ఉంటుంది.ముఖ్యంగా,మనిషి ఎక్కడికి వెళ్తే అతని నీడ కూడా అంతవరకు వెంట వస్తుందన్న కాన్సెప్ట్ ఈ కథాంశంలో ప్రధానంగా కనిపిస్తుందని తెలుస్తోంది.ఇది రొటీన్ ఫార్ములాకు భిన్నంగా,ఒక లోతైన అనుభూతిని ఇచ్చే చిత్రంగా ఉంటుందని దుల్కర్ అంటున్నారు.
నటీనటులు,దర్శకుడు & నిర్మాణం:
ఈ సినిమాలో దుల్కర్ సల్మాన్తో పాటు భాగ్యశ్రీ బోర్సే హీరోయిన్గా నటిస్తున్నారు.అలాగే,సముద్రఖని మరియు రానా దగ్గుబాటి కీలక పాత్రలు పోషిస్తున్నారు.ఈ చిత్రానికి సెల్వమణి సెల్వరాజ్ దర్శకత్వం వహించారు.ఈ ప్రాజెక్ట్ను దుల్కర్ సల్మాన్,రానా దగ్గుబాటితో పాటు ప్రశాంత్ పొట్లూరి,జోమ్ వర్గీస్ కలిసి సంయుక్తంగా నిర్మించడం విశేషం.ఈ సినిమా నవంబర్ 14న ప్రేక్షకుల ముందుకు రానుంది.