రీ-ఎడిట్ అయిన మిత్ర మండలి: ఎప్పుడు,ఎక్కడ చూడాలి?పూర్తి వివరాలు!

DET:NOV 06:
మిత్ర మండలి OTT విడుదల: ఎప్పుడంటే?:
యూత్ ఫుల్ కామెడీ ఎంటర్‌టైనర్‌గా వచ్చిన ప్రియదర్శి పులికొండ మిత్ర మండలి సినిమా OTT రిలీజ్ డేట్ ఖరారైంది. థియేటర్లలో ఈ సినిమాను మిస్ అయిన ప్రేక్షకులు,లేదా ఇంట్లో కూర్చొని హాయిగా చూడాలనుకునేవారికి ఇది శుభవార్త. ఈ దీపావళి సీజన్‌లో థియేటర్లలో విడుదలైన ఈ చిత్రం,నవంబర్ 6,2025 నుంచి డిజిటల్ ప్లాట్‌ఫామ్‌లో అందుబాటులోకి వస్తోంది.

ఏ OTT ప్లాట్‌ఫామ్‌లో స్ట్రీమింగ్?
మిత్ర మండలి సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది.నవంబర్ 6,2025 నుండి ఈ కామెడీ డ్రామా కేవలం తెలుగు భాషలో మాత్రమే ప్రైమ్ వీడియోలో స్ట్రీమింగ్ అవుతుంది.స్నేహం,సరదా,మరియు కొన్ని ఎమోషనల్ ట్విస్ట్‌లతో కూడిన ఈ సినిమాను ఇంటిల్లిపాది హాయిగా చూసే అవకాశం దొరికింది.

కొత్త వెర్షన్‌లో సినిమా:
థియేటర్లలో విడుదలైనప్పుడు ఈ సినిమాకు మిశ్రమ స్పందన లభించింది.దాంతో,చిత్ర బృందం ప్రేక్షకులకు మరింత మెరుగైన అనుభవాన్ని ఇవ్వడానికి ఒక కీలక నిర్ణయం తీసుకుంది.OTT విడుదల కోసం సినిమాను రీ-ఎడిట్ చేసి,మరింత షార్ప్‌గా,మరింత నవ్వు పుట్టించేలా కొత్త వెర్షన్‌ను సిద్ధం చేశారు.ఈ విషయాన్ని హీరో ప్రియదర్శి కూడా సోషల్ మీడియాలో పోస్ట్ చేస్తూ,మేము నవ్వుకున్నాము,నేర్చుకున్నాము,తిరిగి కట్ చేశాము.మిత్ర మండలి కొత్త వెర్షన్.ఈసారి మరింత పదునుగా,సరదాగా ఉంటుంది” అని పేర్కొన్నారు.

నటీనటులు,కథ:
విజయేందర్ ఎస్ దర్శకత్వం వహించిన ఈ చిత్రంలో ప్రియదర్శి పులికొండ ప్రధాన పాత్ర పోషించారు.సోషల్ మీడియా స్టార్ నిహారిక ఎన్.ఎమ్ హీరోయిన్‌గా టాలీవుడ్‌కి పరిచయమైంది.రాగ్ మయూర్, విష్ణు ఓయ్,ప్రసాద్ బెహరా,వెన్నెల కిషోర్,సత్య వంటి నటులు కీలక పాత్రలు పోషించారు.బన్నీ వాసు ఈ సినిమాను సమర్పించారు.నలుగురు నిరుద్యోగులైన స్నేహితులు,ఒక పారిపోయిన రాజకీయ నాయకుడి కూతురు చుట్టూ తిరిగే ఫన్నీ గొడవలే ఈ సినిమా కథాంశం.