DET:NOV 05:
‘కింగ్’లో దీపిక పదుకొణె కన్ఫర్మ్: షారుక్ ఖాన్:
బాలీవుడ్ బాద్షా షారుక్ ఖాన్ నటించిన తదుపరి చిత్రం ‘కింగ్’ గురించి అభిమానులలో అంచనాలు తారాస్థాయిలో ఉన్నాయి.తాజాగా,ముంబైలో తన 60వ పుట్టినరోజు సందర్భంగా అభిమానులతో జరిగిన ఒక కార్యక్రమంలో షారుక్ ఈ సినిమాకు సంబంధించి పలు ఆసక్తికర విషయాలు వెల్లడించారు.ముఖ్యంగా,కింగ్ చిత్రంలో హీరోయిన్గా దీపికా పదుకొణె నటిస్తున్నట్లు ఆయన ధృవీకరించారు.
దీపికా ఉంటే ప్రేమ పక్కా:
సినిమాలో రొమాంటిక్ యాంగిల్ గురించి అడిగిన ఒక అభిమాని ప్రశ్నకు షారుక్ ఖాన్ చాలా సరదాగా జవాబిచ్చారు.నా సినిమాలో దీపికా పదుకొణె కూడా ఉంది.అటువంటప్పుడు,ప్రేమ కచ్చితంగా ఉంటుంది కదా! అని నవ్వుతూ చెప్పారు.దీంతో,ఈ హిట్ కాంబో నుంచి మరోసారి తెరపై అద్భుతమైన ప్రేమకథను చూడబోతున్నామని అభిమానులు సంతోషం వ్యక్తం చేస్తున్నారు.ఓం శాంతి ఓం 2007 నుంచి ‘జవాన్’ 2023 వరకు వీరిద్దరి జోడీ బాలీవుడ్లో అత్యంత ఇష్టపడే జంటల్లో ఒకటిగా ఉంది.
కొత్త తరహా మచో హీరో పాత్రలో షారుక్:
కింగ్ చిత్రంలో తాను ఒక ‘కొత్త తరహా మచో హీరో’పాత్రను పోషిస్తున్నట్లు షారుక్ తెలిపారు.పఠాన్ దర్శకుడు సిద్ధార్థ్ ఆనంద్ను పొగుడుతూ,ఆయన క్రమశిక్షణ గల దర్శకుడని,యాక్షన్ హీరోగా ఎలా నటించాలో తానెంతో నేర్చుకున్నానని చెప్పారు.నేను హీరో-హీరో’మాస్ సినిమాలు పెద్దగా చేయలేదు.కానీ,సిద్ధార్థ్ చెప్పినదంతా నేర్చుకోవడం వల్లనే ‘జవాన్’లో కూడా బాగా చేయగలిగాను” అని షారుక్ వివరించారు.ఈ కొత్త తరహా హీరో పాత్ర ప్రేక్షకులను ఆకట్టుకుంటుందని ఆయన ధీమా వ్యక్తం చేశారు.
విడుదల తేదీ మరియు ఇతర నటీనటులు:
సిద్ధార్థ్ ఆనంద్ దర్శకత్వం వహిస్తున్న ఈ యాక్షన్ థ్రిల్లర్ 2026లో విడుదల కానుంది.షారుక్,దీపికా పదుకొణెతో పాటు ఇందులో షారుక్ కుమార్తె సుహానా ఖాన్ కూడా కీలక పాత్ర పోషిస్తున్నట్లు సమాచారం.అంతేకాకుండా,అభిషేక్ బచ్చన్,అర్షద్ వార్సీ,జైదీప్ అహ్లావత్ వంటి నటులు ఈ సినిమాలో భాగం కానున్నారు.