DET:NOV 04:
ఐకాన్ స్టార్కు మరో అరుదైన గౌరవం: దాదాసాహెబ్ ఫాల్కే ఇంటర్నేషనల్ అవార్డు:
టాలీవుడ్ ఐకాన్ స్టార్ అల్లు అర్జున్ తాజాగా మరో ప్రతిష్టాత్మక అవార్డును సొంతం చేసుకున్నారు.ముంబైలో జరిగిన దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డ్స్ 2025 లో ఆయనకు మోస్ట్ వర్సటైల్ యాక్టర్ ఆఫ్ ది ఇయర్ పురస్కారం లభించింది.పుష్ప చిత్రంలో ఆయన అద్భుతమైన నటనకు గుర్తింపుగా ఈ అవార్డు దక్కింది.ఈ సందర్భంగా ఆయన తన సంతోషాన్ని పంచుకున్నారు.
అవార్డుపై అల్లు అర్జున్ స్పందన: అభిమానులే నా బలం:
అవార్డు అందుకోవడం పట్ల అల్లు అర్జున్ సోషల్ మీడియా వేదికగా తన హృదయపూర్వక ధన్యవాదాలు తెలిపారు.ఇంతటి అద్భుతమైన గౌరవం ఇచ్చిన దాదాసాహెబ్ ఫాల్కే అంతర్జాతీయ చలనచిత్ర అవార్డుల జ్యూరీకి ప్రత్యేక ధన్యవాదాలు.నిజంగా నేను వినయంగా ఉన్నాను అని ఆయన పేర్కొన్నారు.అలాగే,అన్ని విభాగాల్లో విజేతలందరికీ అభినందనలు తెలిపారు.
అభిమానులకు అంకితం: బన్నీ ఎమోషనల్ పోస్ట్:
ఈ వేడుకలో తన విజయం వెనుక ఉన్న ముఖ్యమైన శక్తి తమ అభిమానులే అని అల్లు అర్జున్ నొక్కి చెప్పారు.మీ నిరంతర ప్రేమ మరియు మద్దతుకు నా ప్రేక్షకులకు హృదయపూర్వక ధన్యవాదాలు… ఈ అవార్డును నా అభిమానులకు వినయంగా అంకితం చేస్తున్నాను అని ఆయన ఎమోషనల్గా పోస్ట్ చేశారు.ఈ పోస్ట్ సోషల్ మీడియాలో వైరల్ అవుతూ,అభిమానుల నుండి ప్రశంసలు అందుకుంటోంది.
భవిష్యత్తు ప్రాజెక్ట్ల వైపు చూపు:
ప్రస్తుతం,అల్లు అర్జున్ కోలీవుడ్ దర్శకుడు అట్లీ కుమార్ దర్శకత్వంలో ఒక భారీ పాన్ వరల్డ్ సినిమా షూటింగ్లో బిజీగా ఉన్నారు. ఈ సినిమాలో దీపికా పదుకొనె హీరోయిన్గా నటిస్తుండగా,హాలీవుడ్ స్థాయి విజువల్స్తో ఈ సినిమా రాబోతుందని సినీ వర్గాలు అంచనా వేస్తున్నాయి.