D Educt: Sept 23: రైల్వేలో 5,165 ఎన్‌టీపీసీ పోస్టులు.. త్వరలో పూర్తి నోటిఫికేషన్
భారత ప్రభుత్వ రైల్వే మంత్రిత్వ శాఖకు చెందిన రైల్వే రిక్రూట్‌మెంట్ బోర్డు (RRB) నాన్‌-టెక్నికల్ పాపులర్ కేటగిరీస్‌ (NTPC) గ్రాడ్యుయేట్‌, అండర్‌ గ్రాడ్యుయేట్‌ పోస్టుల భర్తీకి సంబంధించి సంక్షిప్త నోటిఫికేషన్లు విడుదల చేసింది. దేశవ్యాప్తంగా వివిధ రైల్వే జోన్లలో మొత్తం 5,165 ఖాళీలను భర్తీ చేయనున్నారు.
గ్రాడ్యుయేట్‌, అండర్‌ గ్రాడ్యుయేట్‌ పోస్టులు
మొత్తం ఖాళీల్లో 1,688 పోస్టులు అండర్‌ గ్రాడ్యుయేట్‌ కేటగిరీకి, 3,477 పోస్టులు గ్రాడ్యుయేట్‌ కేటగిరీకి కేటాయించారు. ఇంటర్మీడియట్, డిగ్రీ విద్యార్హతలు కలిగిన అభ్యర్థులు ఆయా పోస్టులకు దరఖాస్తు చేసుకోవచ్చు.
అండర్‌ గ్రాడ్యుయేట్‌ కేటగిరీలో కమర్షియల్‌ కమ్‌ టికెట్‌ క్లర్క్‌, అకౌంట్స్‌ క్లర్క్‌ కమ్‌ టైపిస్ట్‌, జూనియర్‌ క్లర్క్‌ కమ్‌ టైపిస్ట్‌, ట్రైన్స్‌ క్లర్క్‌ వంటి పోస్టులు ఉన్నాయి. గ్రాడ్యుయేట్‌ కేటగిరీలో చీఫ్‌ కమర్షియల్‌ కమ్‌ టికెట్‌ సూపర్‌వైజర్‌, స్టేషన్‌ మాస్టర్‌, జూనియర్‌ అకౌంట్స్‌ అసిస్టెంట్‌ కమ్‌ టైపిస్ట్‌, సీనియర్‌ క్లర్క్‌ కమ్‌ టైపిస్ట్‌ తదితర పోస్టులను భర్తీ చేయనున్నారు.
త్వరలో పూర్తి నోటిఫికేషన్
ఈ పోస్టులకు సంబంధించిన పూర్తి నోటిఫికేషన్‌ను రైల్వే రిక్రూట్‌మెంట్ బోర్డు త్వరలో విడుదల చేయనుంది. నోటిఫికేషన్‌లో పోస్టుల వారీగా అర్హతలు, వయోపరిమితి, పరీక్ష విధానం, ఫీజు తదితర పూర్తి వివరాలను వెల్లడించనున్నారు.
ముఖ్యమైన దరఖాస్తు తేదీలు
ఎన్‌టీపీసీ గ్రాడ్యుయేట్‌ పోస్టులకు దరఖాస్తు ప్రక్రియ 2026 అక్టోబర్‌ 8న ప్రారంభమై నవంబర్‌ 6న ముగియనుంది. అండర్‌ గ్రాడ్యుయేట్‌ పోస్టులకు అక్టోబర్‌ 15 నుంచి నవంబర్‌ 13, 2026 వరకు దరఖాస్తు చేసుకునే అవకాశం ఉంటుంది.
గ్రాడ్యుయేట్‌: అక్టోబర్‌ 8 – నవంబర్‌ 6, 2026
అండర్‌ గ్రాడ్యుయేట్‌: అక్టోబర్‌ 15 – నవంబర్‌ 13, 2026