D News: ప్రశాంత్ నీల్ సమర్పణలో మైత్రీ మూవీ మేకర్స్ నిర్మిస్తున్న ‘418’ సినిమా రిలీజ్పై ఆసక్తికరమైన అప్డేట్ వచ్చింది. కీర్తన్ నాగగౌడ దర్శకత్వంలో తెరకెక్కిన ఈ హారర్ థ్రిల్లర్ ముందుగా సెప్టెంబర్ 18న ప్రేక్షకుల ముందుకు రావాల్సి ఉంది. అయితే సినిమాను మరింత భారీ స్థాయిలో విడుదల చేసేందుకు మేకర్స్ ప్లాన్ చేస్తున్నారనే వార్తలు ఇప్పుడు ఆసక్తిని పెంచుతున్నాయి.
హారర్ కంటెంట్పై పెరిగిన ఆసక్తి
ఇటీవల ‘418’కు సంబంధించిన కంటెంట్ను కొంతమంది ఇండస్ట్రీ వర్గాలు, ఎంపిక చేసిన ప్రేక్షకులకు చూపించినట్లు సమాచారం. సినిమా హారర్ ట్రీట్మెంట్, సీరియస్ టోన్కు మంచి స్పందన వచ్చిందని టాక్. ముఖ్యంగా ఇతర మార్కెట్లకు చెందిన ఎగ్జిబిటర్లు కూడా సినిమాపై ఆసక్తి చూపినట్లు తెలుస్తోంది.
ఇప్పటికే విడుదలైన ట్రైలర్కు కూడా మంచి స్పందన వచ్చింది. సాధారణ హారర్ కామెడీ తరహాలో కాకుండా సస్పెన్స్, సైకలాజికల్ హారర్, భయానక వాతావరణం చుట్టూ కథను నడిపించినట్టు ట్రైలర్ చూస్తే అర్థమవుతోంది. సినిమాకు CBFC నుంచి ‘A’ సర్టిఫికేట్ కూడా లభించింది.
హిందీలోనూ భారీ రిలీజ్కు ప్లాన్?
సినిమా కంటెంట్కు వస్తున్న స్పందనతో ‘418’ను కేవలం దక్షిణాది భాషలకే పరిమితం చేయకుండా హిందీ మార్కెట్లోనూ విస్తృతంగా రిలీజ్ చేయాలనే ఆలోచనలో మేకర్స్ ఉన్నట్టు సమాచారం. ముఖ్యంగా హిందీ ఎగ్జిబిటర్ల నుంచి వచ్చిన ఆసక్తి ఈ నిర్ణయానికి కారణమైందనే ప్రచారం జరుగుతోంది.
ఈ కారణంగానే సెప్టెంబర్ 18న ఉన్న రిలీజ్ ప్లాన్లో మార్పులు చేసి, మరింత పెద్ద స్థాయిలో ప్రమోషన్స్, థియేట్రికల్ రిలీజ్ను ప్లాన్ చేస్తున్నట్టు టాక్. అయితే కొత్త రిలీజ్ డేట్పై మేకర్స్ నుంచి అధికారిక ప్రకటన రావాల్సి ఉంది.
పాన్-ఇండియా రేంజ్లో ‘418’?
సూర్య రాజ్, చరణ్ లక్కరాజు, ప్రీతి పగడాల తదితరులు నటించిన ఈ సినిమా.. ఒక సీరియస్ హారర్ థ్రిల్లర్గా తెరకెక్కింది. 15 ఏళ్లుగా మూసి ఉన్న ఓ భవనం, అందులోని రూమ్ నంబర్ 418 చుట్టూ కథ సాగుతుందని ట్రైలర్ ద్వారా తెలుస్తోంది.
ఇప్పటివరకు విడుదల తేదీగా సెప్టెంబర్ 18ను మేకర్స్ ప్రకటించినప్పటికీ, పాన్-ఇండియా రిలీజ్ కోసం మార్పులు చేస్తారనే వార్తలు నిజమైతే ‘418’కు మరింత పెద్ద మార్కెట్ దక్కే అవకాశం ఉంది. కొత్త రిలీజ్ డేట్ను మేకర్స్ ఎప్పుడు ప్రకటిస్తారన్నది ఇప్పుడు ఆసక్తికరంగా మారింది.