DNews:13 OCT:తెలంగాణ రాజకీయాల్లో, సామాజిక సేవలో, మీడియా రంగంలో విశిష్ట స్థానం సంపాదించిన నాయకుడు కొండా లక్ష్మారెడ్డి ఇక లేరు. చేవెళ్ల మాజీ ఎమ్మెల్యే అయిన ఆయన కొంతకాలంగా అనారోగ్యంతో బాధపడుతూ హైదరాబాద్ హైదర్గూడలోని అపోలో ఆస్పత్రిలో చికిత్స పొందుతున్నారు. అయితే పరిస్థితి విషమించడంతో 2025 అక్టోబర్ 13న ఉదయం 5.30 గంటలకు తుది శ్వాస విడిచారు. మధ్యాహ్నం 3 గంటలకు మహాప్రస్థానంలో ఆయన అంత్యక్రియలు నిర్వహించనున్నట్లు కుటుంబ సభ్యులు తెలిపారు.
కొండా లక్ష్మారెడ్డి రాజకీయ వారసత్వం గొప్పది. ఆయన ఉమ్మడి ఆంధ్రప్రదేశ్ మాజీ ఉపముఖ్యమంత్రి కొండా వెంకట రంగారెడ్డి మనవడు. తాత ఆశయాలు, ప్రజాసేవ పట్ల నిబద్ధతతో ఆయన రాజకీయ జీవితాన్ని ఆరంభించారు. కాంగ్రెసు పార్టీలో సుదీర్ఘకాలం పాటు సేవలందించిన ఆయన, ఏపీసీసీ ప్రతినిధి, గ్రీవెన్స్ సెల్ చైర్మన్, అలాగే ఆంధ్రప్రదేశ్ క్రీడా మండలి చైర్మన్గా కూడా కీలక పాత్ర పోషించారు.
1999 మరియు 2014లో ఆయన హైదరాబాద్ నియోజకవర్గం నుండి ఎన్నికల బరిలో నిలిచారు. ప్రజల సమస్యల పరిష్కారంలో, క్రీడల ప్రోత్సాహంలో ఆయన కృషి గుర్తుంచుకోదగ్గది.
రాజకీయాలపాటు జర్నలిజం పట్ల కూడా కొండా లక్ష్మారెడ్డికి అపారమైన మక్కువ ఉండేది. ఈ ఆసక్తి ఫలితంగానే 1980లో News Service Syndicate (NSS) అనే వార్తా సంస్థను స్థాపించారు. ఆయన జూబ్లీహిల్స్ జర్నలిస్ట్స్ కోఆపరేటివ్ హౌసింగ్ సొసైటీ, ప్రెస్క్లబ్ హైదరాబాద్ అధ్యక్షుడిగా కూడా సేవలందించారు. జర్నలిజం అభివృద్ధికి ఆయన చేసిన కృషి విశేషం.
కొండా లక్ష్మారెడ్డి జీవితం ఒక సేవా పథం. రాజకీయాల్లోనూ, మీడియా రంగంలోనూ ఆయన చూపిన దిశ కొత్త తరాలకు ప్రేరణగా నిలుస్తుంది. ప్రజా సేవకు అంకితమైన ఆయన వారసత్వం ఎల్లప్పుడూ గుర్తుండిపోతుంది.