DSports:11 OCT:హైదరాబాద్: ఐపీఎల్–2026 కోసం బీసీసీఐ సన్నాహకాలు మొదలుపెట్టింది. వేలం (Auction) తేదీలను ఖరారు చేసే ప్రక్రియలో ఉన్న బోర్డు ఈ నెలాఖరుకే టీములకు రిటెన్షన్ గడువు ఇవ్వనుంది. ఈ నేపథ్యంలో చెన్నై సూపర్ కింగ్స్ (CSK) జట్టుపై సోషల్ మీడియాలో చర్చ నడుస్తోంది.
క్రిక్‌బజ్ (Cricbuzz) రిపోర్ట్‌ ప్రకారం, చెన్నై సూపర్ కింగ్స్ వచ్చే సీజన్‌కు ముందు ఐదుగురు ప్లేయర్లను విడుదల చేసే ఆలోచనలో ఉంది. ఆ లిస్టులో సామ్ కరన్, దీపక్ హుడా, విజయ్ శంకర్, రాహుల్ త్రిపాఠి, డెవాన్ కాన్వే పేర్లు ఉన్నట్లు వార్తలు వస్తున్నాయి.
ఈ రూమర్స్ ఫ్యాన్స్ మధ్య గందరగోళం సృష్టించాయి. ముఖ్యంగా కాన్వే, సామ్ కరన్ వంటి మ్యాచ్‌ విన్నింగ్ ప్లేయర్లను వదిలేయడంపై అభిమానులు ఆశ్చర్యం వ్యక్తం చేస్తున్నారు.
దీని పై చెన్నై సూపర్ కింగ్స్ యాజమాన్యం స్పందిస్తూ ఎక్స్ (Twitter) లో పోస్ట్ చేసింది —
“Don’t worry! ఆ మ్యాటర్‌పై అధికారిక అప్డేట్ త్వరలో ఇస్తాం. ఇప్పటి వరకు ఎటువంటి నిర్ణయం తీసుకోలేదు. కేవలం బయో అప్డేట్ మాత్రమే చేసాం.”
ఈ స్పష్టతతో ఫ్యాన్స్ ఊపిరి పీల్చుకున్నారు.
గత సీజన్‌లో చెన్నై సూపర్ కింగ్స్ ప్రదర్శన నిరాశపరిచింది — 14 మ్యాచ్‌ల్లో కేవలం 4 విజయాలు మాత్రమే సాధించింది. తదుపరి సీజన్‌లో బలమైన కాంబినేషన్ కోసం యాజమాన్యం మార్పుల దిశగా అడుగులు వేస్తోందని సమాచారం.
రిటెన్షన్ లిస్టు సమర్పణకు గడువు నవంబర్ 15. అప్పటి వరకు తాము తీసుకునే అన్ని నిర్ణయాలపై అధికారిక సమాచారం షేర్ చేస్తామని సీఎస్కే స్పష్టం చేసింది.