DSports:19 NOV:దోహా ఆసియా కప్ రైజింగ్ స్టార్ 2025లో భాగంగా ఇండియా ‘ఏ’ జట్టు తమ గ్రూప్–బి చివరి లీగ్ మ్యాచ్లో ఒమన్పై ఏకపక్ష విజయం సాధించింది. దోహాలోని వెస్ట్ ఎండ్ పార్క్ ఇంటర్నేషనల్ క్రికెట్ స్టేడియంలో జరిగిన ఈ మ్యాచ్లో టీమిండియా 9 వికెట్ల తేడాతో సునాయాసంగా గెలిచి సెమీఫైనల్కు అర్హత సాధించింది. ఈ విజయం తర్వాత పాకిస్తాన్ ‘ఏ’తో మరోసారి పోటీ పడే అవకాశం ఏర్పడింది. మరోవైపు ఈ పరాజయంతో ఒమన్ టోర్నమెంట్ నుంచి నిష్క్రమించింది.
టాస్ గెలిచిన భారత్ ‘ఏ’ మొదట బౌలింగ్ ఎంచుకుంది. ఓమన్ శరవేగంగా ఆరంభించి తొలి వికెట్కు 37 పరుగులు జోడించింది. కరణ్ సోనావాలే (37) – హమ్మద్ మీర్జా (32) మంచి భాగస్వామ్యం అందించారు.ఇక ఒక దశలో 2 వికెట్లకు 92 పరుగుల వద్ద ఉన్న ఓమన్ ఆ తరువాత తీవ్రంగా కుప్పకూలింది. నిర్ణీత 20 ఓవర్లలో 7 వికెట్లకు 135 పరుగులు మాత్రమే చేయగలిగింది.ఓమన్ తరఫున వసీం అలీ అజేయంగా 54 పరుగులు చేసి జట్టును నిలబెట్టాడు.భారత్ బౌలర్లు మెరుగ్గా రాణించారు: గుర్జప్నీత్ సింగ్ – 2 వికెట్లు , సుయాష్ శర్మ – 2 వికెట్లు , వైశాక్, హర్ష్ దుబే, నమన్ ధీర్ – తలో వికెట్
136 పరుగుల లక్ష్య ఛేదనలో భారత్ ‘ఏ’కి ఆరంభంలో షాక్ తగిలింది.ప్రియాంష్ ఆర్య (10), వైభవ్ సూర్యవంశీ (12) త్వరగా పెవిలియన్ చేరారు.తర్వాత నమన్ ధీర్ (30 ఆఫ్ 19) దూకుడుగా ఆడి జట్టును పుంజించాడు.
ఇన్నింగ్స్లో హర్ష్ దుబే ప్రత్యేక ఆకర్షణగా నిలిచాడు.53 (44, 7 ఫోర్లు, 1 సిక్స్)*ఆఖర్లో నెహాల్ వధేరా (23 off 24) తో కలిసి జట్టును విజయతీరాలకు చేర్చాడు.భారత్ ‘ఏ’ 18వ ఓవర్లోనే లక్ష్యాన్ని చేరుకుంది. ఈ విజయం టీమిండియా ఫామ్ను సూచించడమే కాకుండా సెమీఫైనల్లో పాకిస్తాన్తో జరిగే అవకాశమున్న హై-వోల్టేజ్ పోరుకు రంగం సిద్ధమైంది.