D News : నాని, శ్రీకాంత్ ఓదెల కాంబినేషన్లో వచ్చిన ‘దసరా’ తర్వాత ‘ది ప్యారడైజ్’పై భారీ అంచనాలు ఏర్పడ్డాయి. గ్లింప్స్, టీజర్, ‘ఆయా షేర్’, ‘ఏష నాగుల కట్ట’ పాటలతో సినిమాపై హైప్ మరింత పెరిగింది. మరి ఇంతటి అంచనాల మధ్య వచ్చిన సినిమా ఎలా ఉంది?
కథేంటి?
హైదరాబాద్ శివార్లలో సవారీ జాతి ప్రజలు గుర్తింపు లేకుండా జీవిస్తుంటారు. స్వాతంత్ర్య పోరాటంలో పాల్గొన్నప్పటికీ.. వారికి ఓటు హక్కు, అధికారిక గుర్తింపు వంటి హక్కులు ఉండవు. తమ జాతికి గుర్తింపు కోసం వారు చేసే పోరాటానికి శికంజ్ మాలిక్ అడ్డుగా నిలుస్తాడు. ఈ నేపథ్యంలో సవారీ జాతిలో పుట్టిన జడల్ తన ప్రజల కోసం చేసే పోరాటమే సినిమా కథ.
సినిమా ఎలా ఉంది?
‘ది ప్యారడైజ్’ రా అండ్ రస్టిక్ యాక్షన్ డ్రామాగా ఆకట్టుకుంటుంది. ఫస్ట్ హాఫ్లో జడల్ పాత్ర, సవారీ జాతి నేపథ్యం, శికంజ్తో సంఘర్షణ ఆసక్తికరంగా సాగుతాయి. ఇంటర్వెల్ సీక్వెన్స్ సినిమాపై అంచనాలను పెంచుతుంది.
అయితే సెకండాఫ్లో కథనం కొంత నెమ్మదిస్తుంది. కొన్ని సన్నివేశాలు పూర్తిగా కన్విన్సింగ్గా అనిపించవు. అయినప్పటికీ యాక్షన్, ఎమోషన్ అంశాలు సినిమాను నిలబెడతాయి.
నటీనటులు
జడల్గా నాని తన మాస్ షేడ్స్తో ఆకట్టుకున్నాడు. యాక్షన్ సన్నివేశాల్లో అతడి కష్టం స్పష్టంగా కనిపిస్తుంది. తెలంగాణ యాస కూడా బాగా సెట్ అయింది.
మోహన్ బాబు శికంజ్ మాలిక్గా పవర్ఫుల్గా కనిపించారు. కయాదు లోహార్, సోనాలి కులకర్ణి, సంపూర్ణేష్ బాబు తమ పాత్రల పరిధిలో మెప్పించారు. ప్రియదర్శి చేసిన ఎమ్మెల్యే శంకరన్న పాత్ర ప్రత్యేక ఆకర్షణగా నిలుస్తుంది.
టెక్నికల్గా..
అనిరుధ్ బ్యాక్గ్రౌండ్ స్కోర్ సినిమాకు ప్రధాన బలం. ‘ఆయా షేర్’, ‘ఏష నాగుల కట్ట’ పాటలు ఆకట్టుకుంటాయి. సినిమాటోగ్రఫీ రస్టిక్ టోన్కు సరిపోయేలా ఉంది. నిర్మాణ విలువలు బాగున్నాయి. అయితే ఎడిటింగ్లో అక్కడక్కడ జంప్స్ కనిపిస్తాయి.
ప్లస్ పాయింట్స్: నాని, యాక్షన్, ఫస్ట్ హాఫ్, బీజీఎం, పాటలు
మైనస్ పాయింట్స్: సెకండాఫ్ ల్యాగ్, కొన్ని కన్విన్సింగ్గా లేని సన్నివేశాలు
రేటింగ్: 3/5