D News:నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో తెరకెక్కిన ‘ది ప్యారడైజ్’ విజయంతో చిత్రయూనిట్ ఆనందంలో ఉంది. సినిమా సక్సెస్ నేపథ్యంలో నాని, చిత్రయూనిట్ ములుగు జిల్లాలోని ప్రముఖ గట్టమ్మ అమ్మవారి ఆలయాన్ని సందర్శించారు.
గట్టమ్మ అమ్మవారికి ప్రత్యేక పూజలు
అమ్మవారి సన్నిధిలో నానితో పాటు నిర్మాత, నటుడు సంపూర్ణేష్ బాబు ప్రత్యేక పూజలు నిర్వహించారు. సినిమా విజయవంతం కావడానికి ఆశీర్వాదం అందించినందుకు అమ్మవారికి కృతజ్ఞతలు తెలిపారు. ఆలయ అర్చకులు చిత్రయూనిట్‌కు స్వాగతం పలికి తీర్థప్రసాదాలు అందజేశారు.
నానిని చూసేందుకు అభిమానుల సందడి
నాని గట్టమ్మ ఆలయానికి వస్తున్నారనే సమాచారం తెలియడంతో అభిమానులు, స్థానికులు పెద్ద సంఖ్యలో ఆలయానికి చేరుకున్నారు. నానిని చూసేందుకు అభిమానులు ఉత్సాహం చూపించడంతో ఆలయ పరిసరాల్లో సందడి నెలకొంది. సినిమా విజయంతో చిత్రయూనిట్ మొక్కులు చెల్లించుకోవడం ఇప్పుడు సినీ వర్గాల్లో ఆసక్తికరంగా మారింది.