D News: Aug 10: నాగార్జున సాగర్‌లో వైభవంగా ప్రారంభమైన వరుణ యాగం
తెలంగాణలో ఎల్నినో ప్రభావం తగ్గి, సమృద్ధిగా వర్షాలు కురిసి పంటలు పుష్కలంగా పండాలనే సంకల్పంతో రాష్ట్ర ప్రభుత్వం ప్రతిష్టాత్మకంగా నిర్వహిస్తున్న ‘వరుణ యాగం’ నల్లగొండ జిల్లా నాగార్జున సాగర్ వద్ద కృష్ణా నదీ తీరంలో వేకువజామున 4:05 గంటలకు వైభవంగా ప్రారంభమైంది. వేద పండితుల మంత్రోచ్ఛారణలు, సాంప్రదాయ గోపూజతో ఈ ఆధ్యాత్మిక కార్యక్రమానికి శ్రీకారం చుట్టారు.
మంత్రి ఉత్తమ్ కుమార్ రెడ్డి దంపతుల ప్రత్యేక పూజలు
రాష్ట్ర నీటిపారుదల శాఖ మంత్రి ఉత్తమ్ కుమార్ రెడ్డి దంపతులు వరుణ యాగంలో పాల్గొని ప్రత్యేక పూజలు నిర్వహించారు. నాగార్జున సాగర్ జలాశయం సమీపంలో పవిత్ర కృష్ణా నదీ జలాల సాక్షిగా ఈ యజ్ఞాన్ని నిర్వహిస్తున్నారు. రాష్ట్రంలో కరువు పరిస్థితులు తొలగిపోయి, సమృద్ధిగా వర్షాలు కురిసి జలాశయాలన్నీ నీటితో కళకళలాడాలని ఆకాంక్షిస్తూ యాగాన్ని కొనసాగిస్తున్నారు.
పూర్ణాహుతికి హాజరుకానున్న సీఎం రేవంత్ రెడ్డి
వరుణ యాగం ముగింపు కార్యక్రమమైన పూర్ణాహుతికి సంబంధించిన ఏర్పాట్లు కొనసాగుతున్నాయి. తెలంగాణ ముఖ్యమంత్రి ఎనుముల రేవంత్ రెడ్డి మధ్యాహ్నం 2:45 గంటలకు నాగార్జున సాగర్‌కు చేరుకోనున్నారు. అనంతరం మధ్యాహ్నం 3:24 గంటలకు నిర్వహించే పూర్ణాహుతి కార్యక్రమంలో సీఎం పాల్గొని ప్రత్యేక ప్రార్థనలు, పూజలు నిర్వహించనున్నారు.
రైతుల సంక్షేమం, సమృద్ధి వర్షాల కోసం ప్రార్థనలు
రాష్ట్రవ్యాప్తంగా రైతాంగం సంతోషంగా ఉండాలని, సమృద్ధిగా వర్షాలు కురిసి పంటలు బాగా పండాలని ఆకాంక్షిస్తూ ప్రభుత్వం తరఫున ముఖ్యమంత్రి ప్రత్యేక పూజలు నిర్వహించనున్నారు. ఈ కార్యక్రమానికి పలువురు ప్రజాప్రతినిధులు, ఉన్నతాధికారులతో పాటు పెద్ద సంఖ్యలో వేద పండితులు హాజరయ్యారు. నాగార్జున సాగర్ పరిసర ప్రాంతం వేద మంత్రోచ్ఛారణలతో ఆధ్యాత్మిక వాతావరణాన్ని