DSports 16Mar 2026: ఐపీఎల్ 2026 సీజన్ ప్రారంభానికి ముందు రాయల్ ఛాలెంజర్స్ బెంగళూరు (RCB) అభిమానులకు ఊరట లభించింది. బెంగళూరులో మ్యాచ్ల నిర్వహణపై నెలకొన్న ఉత్కంఠకు ముగింపు పలుకుతూ, చిన్నస్వామి స్టేడియంలో మ్యాచ్లు ఆడేందుకు కర్ణాటక ప్రభుత్వం అధికారికంగా అనుమతి మంజూరు చేసింది.
- గత ఏడాది (2025) ఆర్సీబీ తొలిసారి ఐపీఎల్ టైటిల్ గెలిచిన సందర్భంలో బెంగళూరులో నిర్వహించిన విక్టరీ పరేడ్ వద్ద జరిగిన తొక్కిసలాటలో 11 మంది ప్రాణాలు కోల్పోయారు. ఈ ఘటనపై విచారణ జరిపిన కమిటీ, స్టేడియం వద్ద భద్రతా లోపాలను ఎత్తిచూపింది. దీంతో ఈ ఏడాది మ్యాచ్ల నిర్వహణపై ప్రభుత్వం కఠిన నిబంధనలు విధించింది.
- నిపుణుల కమిటీ తనిఖీ: హోం మంత్రి డాక్టర్ జి. పరమేశ్వర నేతృత్వంలో ఏర్పడిన నిపుణుల కమిటీ మార్చి 13న స్టేడియంలోని భద్రతా ఏర్పాట్లు, మౌలిక సదుపాయాలను క్షుణ్ణంగా తనిఖీ చేసింది.
- మెరుగుపర్చిన సౌకర్యాలు: ప్రేక్షకుల రాకపోకల కోసం స్టేడియం గేట్లను వెడల్పు చేయడం, ఎగ్జిట్ పాయింట్లను పెంచడం వంటి మార్పులను కర్ణాటక స్టేట్ క్రికెట్ అసోసియేషన్ (KSCA) పూర్తి చేసింది. ఈ ఏర్పాట్లపై కమిటీ సంతృప్తి వ్యక్తం చేయడంతో ప్రభుత్వం సోమవారం (మార్చి 16) తుది అనుమతి లేఖను జారీ చేసింది.