D News: Aug 5: దేశీయ విమానయాన రంగంలో ప్రముఖ సంస్థ అయిన ఇండిగో (IndiGo) తన 20వ వార్షికోత్సవాన్ని పురస్కరించుకుని ప్రయాణికులకు ప్రత్యేక ఆఫర్ను ప్రకటించింది. తమ వినియోగదారులకు కృతజ్ఞతగా సుమారు 20,000 ఉచిత దేశీయ విమాన టికెట్లను అందించనున్నట్లు సంస్థ వెల్లడించింది. ఈ ప్రత్యేక ఆఫర్ కింద టికెట్ బుక్ చేసుకున్న ప్రయాణికులలో కొందరిని యాదృచ్ఛికంగా ఎంపిక చేసి, వారు చెల్లించిన టికెట్ మొత్తాన్ని రీఫండ్ రూపంలో తిరిగి చెల్లించనుంది. లక్కీ విజేతలకు ఒక్కో పీఎన్ఆర్ (PNR)పై గరిష్ఠంగా రూ.10,000 వరకు రీఫండ్ పొందే అవకాశం ఉంటుంది. విమాన ప్రయాణాన్ని మరింత అందుబాటులోకి తీసుకురావాలనే ఉద్దేశంతో ఇండిగో ఈ ప్రత్యేక ఆఫర్ను ప్రవేశపెట్టింది.
ఈ ఆఫర్ ప్రయోజనాన్ని పొందాలంటే ప్రయాణికులు సంస్థ నిర్దేశించిన నిబంధనలను తప్పనిసరిగా పాటించాలి. ఈ నెల 4వ తేదీ నుంచి 6వ తేదీ మధ్య బుక్ చేసిన టికెట్లకు మాత్రమే ఈ ఆఫర్ వర్తిస్తుంది. అలాగే థర్డ్ పార్టీ యాప్లు లేదా ట్రావెల్ ఏజెంట్ల ద్వారా కాకుండా, కేవలం ఇండిగో అధికారిక వెబ్సైట్, మొబైల్ యాప్ లేదా సంస్థ ఏఐ అసిస్టెంట్ ‘6Eskai’ ద్వారా బుకింగ్ చేసిన ప్రయాణికులను మాత్రమే రాండమ్ ఎంపిక ప్రక్రియకు పరిగణనలోకి తీసుకుంటారు. పరిమిత కాలం మాత్రమే అందుబాటులో ఉన్న ఈ ప్రత్యేక అవకాశంపై విమాన ప్రయాణికులు ఆసక్తి కనబరుస్తున్నారు.