DNews : Dec 01: మాజీ మంత్రి హరీష్రావు ఖమ్మం జిల్లా నెలకొండపల్లి మండలానికి చెందిన కౌలు రైతు బానోతు వీరన్న ఆత్మహత్యపై తీవ్ర ఆగ్రహం వ్యక్తం చేశారు. సోషల్ మీడియా ద్వారా కాంగ్రెస్ ప్రభుత్వంపై విరుచుకుపడుతూ, ఎన్నికల సమయంలో కౌలు రైతులకు సంవత్సరానికి రూ.15,000 రైతు భరోసా ఇస్తామని హామీ ఇచ్చి, అధికారంలోకి వచ్చిన తర్వాత ఆ హామీని అమలు చేయకపోవడం వల్లే రైతులు ఆత్మహత్యలు చేసుకుంటున్నారని ఆరోపించారు. పంటలకు ధర రాక, అప్పులు తీర్చలేకపోవడం వల్ల వీరన్న పురుగుమందు తాగుతూ తీసుకున్న సెల్ఫీ వీడియోనే కాంగ్రెస్ ప్రభుత్వం రైతులను మోసం చేసిన నిర్ధారణ అని హరీష్రావు పేర్కొన్నారు. ఇది రైతు ఆత్మహత్య కాదు, ప్రభుత్వ హత్య అని ఆయన మండిపడ్డారు. మధ్యవర్తులకు పంటలు అమ్మక తప్పని పరిస్థితి, కనీస మద్దతు ధర లభించకపోవడం వల్ల రైతులు నష్టపోతున్నారని అన్నారు. ఖమ్మం జిల్లాకు సీఎం రేవంత్రెడ్డి రానున్న సందర్భంలో వీరన్న కుటుంబాన్ని కలుసుకుని తక్షణమే ఎక్స్గ్రేషియా చెల్లించాలని, కుటుంబానికి అండగా నిలవాలని డిమాండ్ చేశారు. రైతులు నిస్పృహకు లోనై ఆత్మహత్యలు చేసుకోకూడదని, కాంగ్రెస్ మేనిఫెస్టోలో ఇచ్చిన హామీలు అమలు అయ్యే వరకు పోరాటం కొనసాగిస్తామని, బీఆర్ఎస్ పార్టీ రైతుల పక్షాన నిలుస్తుందని హరీష్రావు స్పష్టం చేశారు. త్వరలోనే కిసాన్కి మంచి రోజులు వస్తాయని, కిసాన్కి మళ్లీ కేటీఆర్ గారు నాయకత్వం వహించే ప్రభుత్వం వస్తుందని ఆయన ట్వీట్లో పేర్కొన్నారు.