DNews: Nov 20: బీఆర్ఎస్ పార్టీ వర్కింగ్ ప్రెసిడెంట్ కేటీఆర్పై ఫార్ములా ఈ రేస్ కేసులో ప్రభుత్వం చర్యలు తీసుకోవాలని గవర్నర్ జిష్ణు దేవ్ వర్మ అనుమతి ఇచ్చిన నేపథ్యంలో, మాజీ మంత్రి హరీష్ రావు తీవ్రంగా స్పందించారు. ఆయన ఆరోపించినట్లు, ముఖ్యమంత్రి రేవంత్ రెడ్డి రాజ్యాంగ పదవిలో ఉండి ప్రశ్నించే స్వరాలను అణచివేస్తున్నారని విమర్శించారు. కాంగ్రెస్ ప్రభుత్వం గత రెండు సంవత్సరాలుగా ఫార్ములా ఈ వ్యవహారంలో “కోడిగుడ్డు మీద రేకులు పీకడం” లాంటి రాజకీయ నాటకాలు ఆడుతోందని ఆయన వ్యంగ్యంగా వ్యాఖ్యానించారు. కేటీఆర్పై అక్రమ కేసులు పెట్టడం ద్వారా ప్రజల్లో భయాన్ని కలిగించాలన్నదే రేవంత్ లక్ష్యమని హరీష్ ఆరోపించారు. హైదరాబాద్ బ్రాండ్ ఇమేజ్ను పెంచిన కేటీఆర్పై అక్రమ కేసులు పెట్టడం ప్రజాస్వామ్య విరుద్ధమని, స్థానిక సంస్థల ఎన్నికల సమయంలో రాజకీయ లాభాల కోసం చిన్న నాటకాలు ఆడుతున్నారని ట్విట్టర్లో పేర్కొన్నారు. బీఆర్ఎస్ పార్టీ పూర్తిగా కేటీఆర్కు మద్దతుగా నిలుస్తుందని, రేవంత్ రెడ్డి దుష్ట వైఖరిని చట్టపరంగా ఎదుర్కొంటామని హరీష్ రావు స్పష్టం చేశారు. ఇదిలా ఉండగా, ఫార్ములా ఈ రేస్కు సంబంధించి రూ.54.88 కోట్ల ప్రజాధనాన్ని దుర్వినియోగం చేసినట్లు ఆరోపణల నేపథ్యంలో, ప్రభుత్వం గవర్నర్కు లేఖ రాసి అనుమతి కోరగా, ఆయన విచారణకు గ్రీన్ సిగ్నల్ ఇచ్చారు.