
D News: Nov 19: బంగారం, వెండి కొనుగోలు చేయాలని భావిస్తున్న వారికి భారీ ఊరట లభిస్తోంది. విలువైన లోహాల ధరలు వరుసగా రెండో రోజు కూడా తగ్గుముఖం పట్టాయి. అంతర్జాతీయంగా నెలకొన్న భౌగోళిక రాజకీయ పరిణామాల ప్రభావంతో బంగారం, వెండి ధరల్లో భారీ పతనం కనిపిస్తోంది. గురువారం (నవంబర్ 19) ఉదయం 10 గంటల సమయానికి దేశీయ మార్కెట్లో 24 క్యారెట్ల 10 గ్రాముల బంగారంపై ఏకంగా రూ.2,570 తగ్గింది. అలాగే 22 క్యారెట్ల బంగారంపై రూ.2,350 మేర ధర దిగివచ్చింది. మరోవైపు కిలో వెండి ధర కూడా రూ.5,000 తగ్గింది. దీంతో పసిడి, వెండి కొనుగోలుదారులకు కొంత ఊరట లభించినట్లయింది.
హైదరాబాద్లో బంగారం ధరలు ఎంతంటే?
గుడ్రిటర్న్స్ వెబ్సైట్ వెల్లడించిన వివరాల ప్రకారం.. గురువారం ఉదయం 10 గంటల సమయానికి 24 క్యారెట్ల 10 గ్రాముల బంగారం ధర రూ.2,570 తగ్గి రూ.1,30,690కు చేరింది. ఆభరణాల తయారీకి ఉపయోగించే 22 క్యారెట్ల 10 గ్రాముల బంగారం ధర రూ.2,350 తగ్గి రూ.1,19,800 వద్ద కొనసాగుతోంది. బంగారంతో పాటు వెండి ధర కూడా భారీగా తగ్గింది. కిలో వెండిపై రూ.5,000 తగ్గడంతో హైదరాబాద్, విజయవాడ మార్కెట్లలో కిలో వెండి ధర రూ.1.80 లక్షలకు చేరింది.
తెలంగాణలోని ప్రధాన నగరాల్లో బంగారం ధరలు
తెలంగాణలోని హైదరాబాద్, వరంగల్, నిజామాబాద్, ఖమ్మం నగరాల్లో బంగారం ధరలు దాదాపు ఒకే విధంగా ఉన్నాయి. ఆయా నగరాల్లో 10 గ్రాముల 24 క్యారెట్ల బంగారం ధర రూ.1,30,690గా ఉండగా, 22 క్యారెట్ల ధర రూ.1,19,800గా నమోదైంది. ఇక 18 క్యారెట్ల 10 గ్రాముల బంగారం ధర రూ.98,020 వద్ద కొనసాగుతోంది.
ఆంధ్రప్రదేశ్లోని ప్రధాన నగరాల్లో బంగారం ధరలు
ఆంధ్రప్రదేశ్లోని విజయవాడ, విశాఖపట్నం, అమరావతి, కాకినాడ, తిరుపతి నగరాల్లోనూ పసిడి ధరలు ఒకే స్థాయిలో ఉన్నాయి. ఈ నగరాల్లో 10 గ్రాముల 24 క్యారెట్ల బంగారం ధర రూ.1,30,690గా, 22 క్యారెట్ల ధర రూ.1,19,800గా ఉంది. అలాగే 18 క్యారెట్ల బంగారం ధర రూ.98,020 వద్ద కొనసాగుతోంది.
దేశంలోని ప్రధాన నగరాల్లో బంగారం ధరలు
దేశంలోని ప్రధాన నగరాల్లోనూ బంగారం ధరలు దాదాపు ఒకే విధంగా నమోదయ్యాయి. చెన్నైలో 10 గ్రాముల 24 క్యారెట్ల బంగారం ధర రూ.1,30,690గా, 22 క్యారెట్ల ధర రూ.1,19,800గా, 18 క్యారెట్ల ధర రూ.98,050గా ఉంది. ముంబైలో 24 క్యారెట్ల ధర రూ.1,30,690, 22 క్యారెట్ల ధర రూ.1,19,800, 18 క్యారెట్ల ధర రూ.98,020గా కొనసాగుతోంది.
దేశ రాజధాని ఢిల్లీలో మాత్రం ధరలు కొంత ఎక్కువగా ఉన్నాయి. అక్కడ 10 గ్రాముల 24 క్యారెట్ల బంగారం ధర రూ.1,30,840గా, 22 క్యారెట్ల ధర రూ.1,19,950గా, 18 క్యారెట్ల ధర రూ.98,170గా నమోదైంది. కోల్కతా, కేరళ, పుణె నగరాల్లో 24 క్యారెట్ల బంగారం ధర రూ.1,30,690గా, 22 క్యారెట్ల ధర రూ.1,19,800గా, 18 క్యారెట్ల ధర రూ.98,020గా ఉంది.
కొనుగోలుదారులు ఈ విషయాలు గుర్తుంచుకోండి
బంగారం, వెండి ధరలు అంతర్జాతీయ మార్కెట్ పరిణామాలు, డాలర్ విలువ, డిమాండ్, సరఫరా వంటి అంశాల ఆధారంగా ఎప్పటికప్పుడు మారుతుంటాయి. కాబట్టి ఆభరణాలు కొనుగోలు చేసే ముందు స్థానిక జువెలరీ షాపుల్లో తాజా ధరలను మరోసారి పరిశీలించడం మంచిది. అలాగే ఇక్కడ పేర్కొన్న ధరలకు జీఎస్టీ, మేకింగ్ ఛార్జీలు అదనంగా వర్తించే అవకాశం ఉందని కొనుగోలుదారులు గమనించాలి.
