
D Spiritual: Nov 18: తిరుమల శ్రీవారి దర్శనానికి వెళ్లే భక్తులకు టీటీడీ కీలక సమాచారం అందించింది. తిరుపతిలో ప్రతిరోజూ జారీ చేసే సర్వదర్శనం (SSD) టోకెన్ల విధానంలో మార్పులు చేసింది. నవంబర్ 18, బుధవారం జారీ చేయాల్సిన SSD టోకెన్లను రద్దు చేస్తున్నట్లు ప్రకటించింది. దీంతో గురువారం స్వామివారిని దర్శించుకోవాలనుకునే భక్తులు ఈ మార్పును గమనించాలని సూచించింది.
బుధవారం SSD టోకెన్ల జారీ నిలిపివేత
సాధారణంగా తిరుపతిలోని శ్రీనివాసం, విష్ణునివాసం, భూదేవి కాంప్లెక్స్లలో టీటీడీ SSD టోకెన్లను జారీ చేస్తుంది. అయితే బుధవారం గురువారం దర్శనానికి సంబంధించిన టోకెన్ల జారీని నిలిపివేసింది. మంగళవారం జారీ చేసిన SSD టోకెన్లతో పాటు శ్రీవారి మెట్టు మార్గంలో కాలినడకన వెళ్లే భక్తులకు ఇచ్చిన టోకెన్లు మాత్రం యథావిధిగా కొనసాగుతాయి.
గురువారం నేరుగా తిరుమలకు వెళ్లొచ్చు
గురువారం దర్శనం చేసుకోవాలనుకునే భక్తులు ఎలాంటి SSD టోకెన్లు లేకుండానే నేరుగా తిరుమలకు చేరుకోవచ్చు. అక్కడి వైకుంఠం క్యూ కాంప్లెక్స్ ద్వారా కంపార్ట్మెంట్లలో వేచి ఉండి శ్రీవారి సర్వదర్శనం చేసుకోవచ్చు. ముఖ్యంగా ముందుగా టోకెన్లు పొందలేని భక్తులు, ఆకస్మికంగా తిరుమల యాత్రకు వెళ్లేవారికి ఈ అవకాశం ఉపయోగపడుతుంది.
మళ్లీ గురువారం నుంచి టోకెన్ల జారీ
శుక్రవారం శ్రీవారిని దర్శించుకోవాలనుకునే భక్తులకు గురువారం నుంచి SSD టోకెన్లు జారీ చేయనున్నారు. తిరుపతిలోని శ్రీనివాసం, విష్ణునివాసం, భూదేవి కాంప్లెక్స్లలో ఈ టోకెన్లు అందుబాటులో ఉంటాయి. కాబట్టి భక్తులు టోకెన్ల జారీ సమయాలను ముందుగానే తెలుసుకుని తమ ప్రయాణాన్ని ప్లాన్ చేసుకోవాలని టీటీడీ సూచిస్తోంది.
