భారీగా తగ్గిన బంగారం ధరలు..

D News: Oct 31: బంగారం ధరలకు భారీ ఊరట.. ఒక్కరోజే రూ.3,380 తగ్గిన పసిడి

హైదరాబాద్: హైదరాబాద్ బులియన్ మార్కెట్‌లో బంగారం కొనుగోలుదారులకు భారీ ఊరట లభించింది. శనివారం బంగారం ధరలు గణనీయంగా తగ్గాయి. మార్కెట్ నిపుణుల అంచనాల ప్రకారం, 24 క్యారెట్ల స్వచ్ఛమైన 10 గ్రాముల బంగారం ధర ఏకంగా రూ.3,380 తగ్గి రూ.1,38,880కు చేరింది. అదేవిధంగా ఆభరణాల తయారీలో వినియోగించే 22 క్యారెట్ల 10 గ్రాముల బంగారం ధర రూ.3,100 తగ్గి రూ.1,27,300 వద్ద కొనసాగుతోంది.

కిలో వెండిపై రూ.10 వేల తగ్గింపు

బంగారంతో పాటు వెండి ధరలు కూడా భారీగా తగ్గాయి. పారిశ్రామిక అవసరాలు, ఆభరణాల తయారీకి ఉన్న డిమాండ్ ఆధారంగా మారుతున్న వెండి మార్కెట్‌లో శనివారం కిలో వెండి ధర ఏకంగా రూ.10,000 తగ్గింది. దీంతో హైదరాబాద్ మార్కెట్‌లో కిలో వెండి ధర రూ.2,00,000కు చేరింది. గత కొంతకాలంగా గరిష్ఠ స్థాయిల్లో కొనసాగిన వెండి ధరలు ఒక్కసారిగా తగ్గడంతో కొనుగోలుదారులు ఆసక్తి చూపుతున్నారు.

బంగారం, వెండి ధరలకు అదనంగా జీఎస్టీ

బులియన్ మార్కెట్‌లో పేర్కొన్న బంగారం, వెండి ధరలకు అదనంగా 3 శాతం జీఎస్టీ (GST) చెల్లించాల్సి ఉంటుంది. అలాగే ఆభరణాల తయారీ ఛార్జీలు కూడా అదనంగా వర్తిస్తాయి. తెలంగాణ, ఆంధ్రప్రదేశ్ రాష్ట్రాల్లోని వివిధ నగరాలు, ప్రాంతాలను బట్టి స్థానిక జువెల్లరీ దుకాణాల్లో ధరల్లో స్వల్ప వ్యత్యాసాలు ఉండే అవకాశం ఉందని వ్యాపార వర్గాలు వెల్లడిస్తున్నాయి.