DET:SEP30:
ధురంధర్’పై క్రేజ్:
రణవీర్ సింగ్ ప్రధాన పాత్రలో నటిస్తున్న యాక్షన్ ఎంటర్టైనర్ చిత్రం ‘ధురంధర్’. ‘ఉరి: ది సర్జికల్ స్ట్రైక్’ ఫేమ్ ఆదిత్య ధార్ ఈ సినిమాకు దర్శకత్వం వహిస్తున్నారు. ఇందులో రణవీర్తో పాటు సంజయ్ దత్, అక్షయ్ ఖన్నా, ఆర్. మాధవన్, అర్జున్ రాంపాల్ వంటి స్టార్స్ ఉండడంతో ఈ సినిమాపై ప్రేక్షకుల్లో భారీ అంచనాలు నెలకొన్నాయి. గతంలో విడుదలైన ఫస్ట్ లుక్ పోస్టర్, టీజర్లు సినిమాపై ఆసక్తిని మరింత పెంచాయి.
దీపావళికి తొలి పాట విడుదల :
తాజా సమాచారం ప్రకారం, ‘ధురంధర్’ సినిమాకు సంబంధించి మొదటి పాటను దీపావళి పండుగ సందర్భంగా విడుదల చేయడానికి మేకర్స్ ప్లాన్ చేస్తున్నారు. ఈ పాట కేవలం రణవీర్ సింగ్పై కాకుండా, మొత్తం తారాగణంపై చిత్రీకరించిన ఒక ప్రమోషనల్ నంబర్ అని తెలుస్తోంది. సినిమాలోని కొన్ని సన్నివేశాలను కూడా ఈ పాటలో జత చేసి విడుదల చేయాలని చిత్ర బృందం భావిస్తున్నారట.
విడుదల తేదీని ఖరారు చేసేందుకు:
ఈ స్పెషల్ సాంగ్ విడుదల వెనుక ఉన్న ముఖ్య ఉద్దేశం, డిసెంబర్ 5, 2025న సినిమా విడుదల తేదీని మళ్లీ ప్రేక్షకులందరికీ గుర్తు చేయడం. అంటే, దీపావళి సందర్భంగా ఈ పాటను విడుదల చేసి, అప్పటి నుంచే సినిమా ప్రమోషన్స్ వేగాన్ని పెంచాలని మేకర్స్ ఆలోచిస్తున్నారు. ఒకవేళ షెడ్యూల్లో ఎలాంటి ఊహించని ఆలస్యం జరగకపోతే, డిసెంబర్ విడుదల ఖచ్చితంగా ఉంటుందని సమాచారం. పాట విడుదల తర్వాత, నవంబర్ నెలలో సినిమా థియేట్రికల్ ట్రైలర్ను విడుదల చేయడానికి సన్నాహాలు చేస్తున్నారు.
రణవీర్ ఫ్యాన్స్కు పండుగే:
రణవీర్ సింగ్ గతంలో ‘రాకీ ఔర్ రాణీ కీ ప్రేమ్ కహానీ’ వంటి విజయాన్ని అందుకున్న తర్వాత, మళ్లీ థియేటర్లలోకి వస్తున్న యాక్షన్ ప్యాక్డ్ మూవీ ఇదే కావడంతో, ఈ సినిమా కోసం ఆయన అభిమానులు ఆసక్తిగా ఎదురుచూస్తున్నారు. దీపావళికి పాట, డిసెంబర్లో సినిమా విడుదల రణవీర్ ఫ్యాన్స్కు నిజమైన పండుగ లాంటిదే.