D NEWS: ఖమ్మం జిల్లా చింతకాని మండలంలో జరిగిన పలు అభివృద్ధి కార్యక్రమాల్లో డిప్యూటీ సీఎం మల్లు భట్టి విక్రమార్క పాల్గొన్నారు. జగన్నాథపురం, పందిళ్లపల్లి, చింతకాని, నరసింహాపురం, నాగులవంచలో పలు రహదారి అభివృద్ధి పనులకు ఆయన శంకుస్థాపన చేశారు.
చింతకాని మండలంలో పలు ప్రాంతాల్లో రహదారి అభివృద్ధి పనులకు భట్టి విక్రమార్క శంకుస్థాపన చేశారు. అనంతరం చింతకానిలో నిర్మించిన స్త్రీ శక్తి భవనాన్ని ప్రారంభించారు. రాష్ట్ర అభివృద్ధికి ప్రభుత్వం కృషి చేస్తోందని ఈ సందర్భంగా డిప్యూటీ సీఎం తెలిపారు.
అభివృద్ధి కార్యక్రమాల అనంతరం నాగులవంచలోని కల్యాణ మండపంలో బీఎల్‌ఏలతో భట్టి విక్రమార్క సమావేశమయ్యారు. ఈ సమావేశంలో స్థానిక అంశాలు, పార్టీ కార్యకలాపాలపై చర్చించినట్లు సమాచారం.
ఈ కార్యక్రమాల్లో జిల్లా కలెక్టర్ దివాకర టీఎస్, పోలీస్ కమిషనర్ సునీల్ దత్‌తో పాటు జిల్లా స్థాయి అధికారులు, ఇతర ప్రజాప్రతినిధులు పాల్గొన్నారు.