D News: Jul 31: నెల్లూరు నేరం: ఆంధ్రప్రదేశ్లోని నెల్లూరు జిల్లాలో దారుణ ఘటన చోటుచేసుకుంది. రాత్రి ఇంట్లో ప్రశాంతంగా నిద్రిస్తున్న ఓ మహిళపై గుర్తు తెలియని దుండగులు పెట్రోల్ పోసి నిప్పంటించారు. ఈ అమానుష ఘటన స్థానికంగా తీవ్ర కలకలం రేపడంతో పాటు గ్రామస్తులను భయాందోళనలకు గురిచేసింది.
జిల్లాలోని కోట గ్రామంలో శుక్రవారం తెల్లవారుజామున ఈ ఘటన జరిగింది. ఇంట్లో నిద్రిస్తున్న మహిళపై గుర్తు తెలియని వ్యక్తులు పెట్రోల్ పోసి నిప్పంటించి అక్కడి నుంచి పరారయ్యారు. మంటలు ఒక్కసారిగా వ్యాపించడంతో బాధితురాలు బిగ్గరగా కేకలు వేయగా, స్థానికులు వెంటనే అక్కడికి చేరుకుని మంటలను ఆర్పేందుకు ప్రయత్నించారు.
తీవ్రంగా గాయపడిన మహిళను స్థానికులు వెంటనే సమీపంలోని ఆస్పత్రికి తరలించారు. ప్రస్తుతం ఆమె పరిస్థితి విషమంగా ఉన్నట్లు వైద్యులు తెలిపారు. బాధితురాలికి మెరుగైన వైద్యం అందిస్తున్నట్లు సమాచారం.
సంఘటనపై సమాచారం అందుకున్న పోలీసులు వెంటనే ఘటనా స్థలానికి చేరుకుని ఆధారాలు సేకరించారు. ఈ ఘటనపై కేసు నమోదు చేసి దర్యాప్తు ప్రారంభించారు. మహిళపై దాడికి పాల్పడిన దుండగులు ఎవరు? ఈ ఘటన వెనుక కారణాలు ఏమిటి? అనే కోణాల్లో విచారణ చేపట్టినట్లు పోలీసులు తెలిపారు. నిందితులను త్వరలోనే గుర్తించి అరెస్ట్ చేస్తామని వెల్లడించారు.